كەزدەسۋ بارىسىندا مينيستر اناستاسيا پانينانى قازاقستانداعى TikTok باسشىسى بولىپ تاعايىندالۋىمەن قۇتتىقتاپ, جىلى لەبىزىن ءبىلدىردى.
قازىرگى ۋاقىتتا TikTok پلاتفورماسىندا قازاق تىلىندەگى كونتەنتكە دەگەن سۇرانىس كوبەيگەنىن اتاپ ءوتۋ كەرەك. كەزدەسۋ بارىسىندا كومپانيا وكىلى جەلىگە قازاق ءتىلىن ورناتۋ جايى قاراستىرىلىپ جاتقانىن اتاپ ءوتتى. سونداي-اق وسى كۇزدە قازاقستاندا TikTok ءوفيسىن اشۋ جوسپارلانىپ وتىرعانىنا توقتالدى.
اتالعان باسقوسۋدا مينيسترلىك باسشىلىعى TikTok وكىلدەرىمەن اقپارات, جاستار, وتباسى جانە ازاماتتىق قوعامدى دامىتۋ بويىنشا كرەاتيۆتى, زاماناۋي ءارى ساپالى جوبالار دايىنداۋعا كەلىستى.
سونىمەن قاتار دارحان قىدىرالى اناستاسيا پانيناعا ءباسپاسوز حاتشىلارىن وقىتۋ, تسيفرلىق ساۋاتتىلىقتى ارتتىرۋ, الەۋمەتتىك جەلىنى ءتيىمدى قولدانۋ تۇرعىسىنان ورتاق ترەنينگتەر ۇيىمداستىرۋ جۇمىستارىنا بەلسەنە ارالاسۋدى ۇسىندى.
جيىن سوڭىندا مينيستر TikTok وكىلىن جۋىردا وتەتىن ورتالىق ازيا مەديا فورۋمىنا شاقىردى.
