سەميناردا نەگىزگى سپيكەرلەر رەتىندە ورتالىق سايلاۋ كوميسسياسىنىڭ مۇشەلەرى ءسابيلا مۇستافينا, اناستاسيا ششەگورتسوۆا, وسك اپپاراتىنىڭ بيۋدجەتتى جوسپارلاۋ جانە ورىنداۋ ءبولىمىنىڭ مەڭگەرۋشىسى گۇلناز كەمباەۆا, «حالىق بانك» اق استانا قالاسى بويىنشا فيليالىنىڭ وكىلدەرى جانار راحيموۆا, جانيا دوسباەۆا, سونداي-اق استانا قالاسى اكىمى اپپاراتىنىڭ قارجى-شارۋاشىلىق ءبولىمىنىڭ باسشىسى ايناگۇل يكسان ءسوز سويلەدى.
سەمينار قاتىسۋشىلارىنا پرەزيدەنتتىككە كانديداتتاردىڭ باق-تا ءسوز سويلەۋىنە رەسپۋبليكالىق بيۋدجەتتەن بولىنگەن قاراجات كولەمى مەن ءتارتىبى, كانديداتتىڭ سايلاۋ قورلارىن قۇرۋ, سايلاۋ قورىتىندىلارى بەلگىلەنگەننەن كەيىن قاراجاتتى پايدالانۋ تۋرالى ەسەپتەردى ۇسىنۋ, سونداي-اق كانديداتتاردىڭ بارلىق قارجى وپەراتسياسى مەن پروتسەدۋراسىن اشىق, ءادىل قامتاماسىز ەتۋ تۋرالى ماسەلەلەر تولىق ءتۇسىندىرىلدى.
سايلاۋالدى شتابتاردىڭ وكىلدەرى جاريالى سايلاۋالدى شارالاردى وتكىزۋ ارقىلى كانديداتتاردىڭ سايلاۋالدى ۇگىتتى جۇرگىزۋ, ونىڭ ىشىندە باق ارقىلى, باسپا, اۋديوۆيزۋالدى جانە باسقا دا ۇگىت ماتەريالدارىن شىعارۋ جانە تاراتۋدىڭ قۇقىقتىق شارتتارىمەن تانىستى.
سپيكەرلەر كانديداتتاردىڭ سايلاۋالدى شتابتارىنىڭ وكىلدەرى تاراپىنان سايلاۋ ناۋقانى اياسىندا قويىلعان سۇراقتارىنا تولىق جاۋاپ بەردى.
