«2022 جىلعى 19 قازاندا حالىقارالىق رەيستەردىڭ ۇشۋ زالىندا جولاۋشىلاردى تەكسەرۋ راسىمىنەن ءوتۋ كەزىندە «ەير استانا» اۋەكومپانياسىنىڭ الماتى — بىشكەك باعىتى بويىنشا كس 109 رەيسىمەن ۇشۋعا دايىندالعان جولاۋشىنىڭ ءپورتاتيۆتى زاريادتاعىشى جانىپ كەتكەن.
جولاۋشىلاردى زاريادتاۋ قۇرىلعىلارىن تاسىمالداۋ ەرەجەلەرى تۋرالى حاباردار ەتۋ ماقساتىندا «قازاقستاننىڭ اۆياتسيالىق اكىمشىلىگى» اق جولاۋشىلارعا اۆياكومپانيا ەرەجەلەرىن باسشىلىققا الۋعا جانە قاجەت بولعان جاعدايدا كەڭەس الۋعا, سونداي-اق تىركەۋ راسىمىنەن ءوتۋ كەزىندە اۆياكومپانيا مەن اۋەجايلاردىڭ قىزمەتكەرلەرىن زاريادتاۋ قۇرىلعىلارىنىڭ بار ەكەندىگى تۋرالى حاباردار ەتۋگە قاتاڭ كەڭەس بەرەدى.
قاۋىپتى جۇكتەردى DOC 9284 يكاو اۋە ارقىلى قاۋىپسىز تاسىمالداۋ جونىندەگى تەحنيكالىق نۇسقاۋلىققا سايكەس, قوسالقى باتارەيالار, سونىڭ ىشىندە قۋات كوزدەرى قول جۇگىمەن تاسىمالدانۋى كەرەك.
ەگەر ليتي باتارەيالارى جۇك رەتىندە تاسىمالداناتىن بولسا, وندا ولار يكاو تەحنيكالىق نۇسقاۋلىعىنىڭ قولدانىستاعى رەداكتسياسىنا سايكەس ءتيىستى تۇردە دەكلاراتسيالانۋى, تاڭبالانۋى جانە بۋىپ-ءتۇيىلۋى ءتيىس.
«ۇشۋ قاۋىپسىزدىگى ءار جولاۋشىنىڭ جاۋاپكەرشىلىگىنە دە بايلانىستى», دەلىنگەن قر يدم ازاماتتىق اۆياتسيا كوميتەتىنىڭ Telegram-ارناسىندا.
