قوعامدىق قور وكىلدەرىنىڭ ايتۋىنشا, مۇندا عىلىممەن دالەلدەنگەن, ەڭ ءتيىمدى, زاماناۋي ادىستەمەلەر قولدانىلادى جانە ارنايى دايارلىقتان وتكەن ماماندار جۇمىس ىستەيدى. ەرەكشە بالعىنداردىڭ اتا-انالارىنا دا پسيحولوگيالىق قولداۋ كورسەتىلەدى. قازىر ورتالىقتا 100-دەن استام اۋتيست بالا ەم الىپ جاتىر.
– ءبىزدىڭ ورتالىق اۋتيزممەن اۋىراتىن بالالارعا ارنالعان. ورتالىقتا لوگوپەد-دەفەكتولوگ, پسيحولوگ, ارت-تەراپيا, فلورتايم, تۇز شاحتاسى, قۇم تەراپياسى, اۆا تەراپيا, يوگا تەراپيا باعىتىندا جۇمىس ىستەيدى. 1,5 جاستان 18 جاسقا دەيىنگى بالالارعا تەگىن كومەك كورسەتىلەدى. ءبىزدىڭ باستى ماقساتىمىز – قوعام نازارىن اۋتيزم پروبلەماسىنا اۋدارۋ, وسىنداي بالالار مەن ولاردىڭ اتا-انالارىنا قۇرمەتپەن قاراۋدى قالىپتاستىرۋ. حالىق اۋتيزم تۋرالى مۇلدەم حابارسىز, ادامدار ونىڭ اۋرۋ ەمەستىگىن, ونى تۇزەۋگە بولاتىنىن بىلمەيدى. مۇنداي بالالار كەز كەلگەن سالادا جەتىستىككە جەتە الادى, ءوز ەلىنىڭ يگىلىگى ءۇشىن ەڭبەك ەتەدى, ولار ءۇشىن وزدەرىن تۇسىنبەيتىن قوعامدا بولۋ اسا قيىن, –
دەيدى «التىن ۇيا – ەركەلە» قوعامدىق قورىنىڭ ءتورايىمى اينۇر سولوتوۆا.
