وتكەن جىلدىڭ سايكەس كەزەڭىمەن سالىستىرعاندا جول-كولىك وقيعالارىنىڭ ءوسۋى 8,9%-دى قۇرادى.
جول اپاتتارىنىڭ ناتيجەسىندە 1,7 مىڭ ادام قازا تاپتى, ونىڭ ىشىندە 181-ى كامەلەتكە تولماعان بالالار, 457-ى ايەلدەر جانە 1 258-ى ەر ادامدار.
زارداپ شەككەندەر اراسىنداعى كامەلەتكە تولماعانداردىڭ ۇلەسى 19,9%-دى قۇرايدى, ولار نەگىزىنەن اۆتوكولىك قۇرالدارىنىڭ سوقتىعىسۋىنان زارداپ شەككەنى انىقتالدى.
جالپى 532 جكو ورىن الدى, وندا 70 ادام قازا تاۋىپ, 783 ادام ءتۇرلى دەنە جاراقاتتارىن العان.
ستاتيستيكاعا سايكەس, جول-كولىك وقيعالارىنىڭ 86,6%-دان استامى جۇرگىزۋشىلەردىڭ كىناسىنەن بولدى (8 886, 2021 جىلى – 7 726), ونىڭ ىشىندە 363-ءى (414) الكوگولدىك نەمەسە ەسىرتكىلىك ماس كۇيدە بولعان.
«جول اپاتىنان زارداپ شەككەندەردىڭ ىشىندە 2 947 ادام 30-39 جاس ارالىعىندا جانە 2 953 ادام 21-29 جاس ارالىعىندا بولعان. سونداي-اق كىنالىلەردىڭ اراسىندا دا كوبىنەسە 30-39 جاس ارالىعىنداعىلار تىركەلگەن - 2 616 ادام, 21-29 جاس ارالىعىنداعى جاستار – 2 395 جانە 60 –تان جوعارى جاستاعى قارتتار – 670 ادامدى قۇرادى», دەلىنگەن حابارلامادا.
جول اپاتتارىنىڭ باسىم بولىگى نەمەسە 7 471 ەلدى مەكەندەردە ورىن العان, 1 918 حالىقارالىق, رەسپۋبليكالىق ماڭىزى بار تراسسالاردا, 869 وبلىستىق, اۋداندىق ماڭىزى بار جولداردا تىركەلگەن.
«اپاتتاردىڭ ەڭ كوپ سانى الماتى قالاسىنىڭ جولدارىندا ورىن الادى – 2 620 جاعداي, ال ەڭ جوعارى ءولىم كورسەتكىشى الماتى وبلىسىندا انىقتالدى, وندا 327 ادام قايتىس بولدى. ەلوردادا 495 جكو تىركەلدى. اپاتتاردىڭ ەڭ از سانى سولتۇستىك قازاقستان وبلىسىندا - 221 جانە شىمكەنت قالاسى - 217 تىركەلگەن», دەپ دەلىنگەن ۆەدومستۆو اقپاراتىندا.
