«بيىل مەنىڭ شەشىمىممەن ەلىمىزدە بىرنەشە وبلىس قايتا قۇرىلعانىن بىلەسىزدەر. جەتىسۋ جەرىندە دەربەس ەكى ايماق پايدا بولدى. الماتى وبلىسىنىڭ اكىمشىلىك ورتالىعى قاپشاعايدىڭ جاعاسىنا كوشىرىلدى. جۇرتتىڭ وتىنىشىنە ساي قالاعا دىنمۇحامەد قوناەۆتىڭ ەسىمى بەرىلدى. مۇنى, شىن مانىندە, تاريحي ادىلدىكتىڭ ورناۋى جانە حالىقتىڭ ورتاق قالاۋى دەۋگە بولادى», دەپ اتاپ ءوتتى قاسىم-جومارت توقاەۆ.
پرەزيدەنت ەندى الماتى وبلىسىنىڭ ورتالىعى تىڭ قارقىنمەن داميتىنىن ايتتى.
«وبلىس ورتالىعى مارتەبەسىنە يە بولعان قوناەۆ قالاسى ەندى تىڭ قارقىنمەن داميتىن بولادى. بۇرىنعى الماتى وبلىسىن ەكىگە ءبولۋ – ايماقتاعى احۋالدى تەرەڭ زەردەلەپ, مۇقيات ويلاستىرا وتىرىپ قابىلدانعان شەشىم», دەدى مەملەكەت باسشىسى.
