– كريمينالدىق پوليتسيا باسقارماسى مەن تۇرىكسىب اۋداندىق پب-نا قاراستى پوليتسيا ءبولىمىنىڭ قىزمەتكەرلەرىمەن جۇرگىزىلگەن جەدەل-ىزدەستىرۋ ءىس-شارالارى بارىسىندا قاراسۋ ىقشام اۋدانىنداعى سولتۇستىك اينالما كوشەسى بويىندا قاشقىن ۇستالدى جانە ۋاقىتشا ۇستاۋ يزولياتورىنا قامالدى. قاشۋ دەرەگى سوتقا دەيىنگى تەرگەۋدىڭ بىرىڭعاي تىزىلىمىنە قر قك-ءنىڭ 426-بابى 1-بولىگى بويىنشا تىركەلدى, – دەدى الماتى قالاسى پوليتسيا دەپارتامەنتىنىڭ باستىعى ارىستانعاني زاپپاروۆ.
ايتا كەتەيىك, ول بيىلعى قىركۇيەك ايىندا جامبىل وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن ادام ءولتىرۋ دەرەگى بويىنشا 10 جىلعا سوتتالعان. قاشۋ دەرەگى بويىنشا ءىىم وزىندىك قاۋىپسىزدىك دەپارتامەنتى قىزمەتكەرلەرگە قاتىستى تەكسەرۋ جۇرگىزۋدە.
