فوتو: اشىق دەرەككوز
تۇزەتۋلەر كونستيتۋتسيا مەن «كونستيتۋتسيالىق سوت تۋرالى» كونستيتۋتسيالىق زاڭ نورمالارىن ىسكە اسىرۋ ماقساتىندا ازىرلەنگەن.
زاڭ جوباسى اياسىندا سالىق كودەكسىنە ءبىر پالاتالى پارلامەنت – قۇرىلتايدى قۇرۋعا, قازاقستان حالىق كەڭەسىن قالىپتاستىرۋعا, سونداي-اق كەيبىر كونستيتۋتسيالىق نورمالارعا سايكەس وزگەرىستەر ەنگىزۋ كوزدەلگەن. بۇدان بولەك, ازاماتتاردىڭ وتىنىشتەرىن كونستيتۋتسيالىق سوتقا جولداۋ كەزىندە مەملەكەتتىك باجدى الىپ تاستاۋ ۇسىنىلىپ وتىر.
قۇجاتتا قۇقىقتىق نورمالاردىڭ مازمۇنىن وزگەرتپەي, رەداكتسيالىق جانە تەحنيكالىق ناقتىلاۋلار دا قاراستىرىلعان. اتاپ ايتقاندا, «شەتەلدىك» تەرمينىن «شەتەلدىك ازامات» ۇعىمىمەن الماستىرۋ, «تەنگە» ءسوزىن «تەڭگە» دەپ بىرىزدەندىرۋ, سونداي-اق اۋماق اتاۋلارىن كورسەتۋ ءتارتىبىن استاناعا باسىمدىق بەرە وتىرىپ رەتتەۋ ۇسىنىلعان.
سونىمەن قاتار, سالىق زاڭناماسىنداعى ينستيتۋتسيونالدىق اتاۋلاردى جاڭا كونستيتۋتسيالىق مودەلگە سايكەستەندىرۋ كوزدەلىپ وتىر.
بۇدان بولەك, ءماجىلىستىڭ جالپى وتىرىسىندا «نوتارياتتىق قىزمەت ماسەلەلەرى بويىنشا زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى», «ماشينا جاساۋدى دامىتۋ ماسەلەلەرى بويىنشا زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» جانە «اسكەري قىزمەتشىلەردىڭ قۇقىقتىق جاعدايىن جەتىلدىرۋ, قورعانىس جانە اسكەري قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى قارالادى.
