وسىلايشا, «جاسىل دامۋ» اق وتاندىق اۆتووندىرۋشىلەردەن اگروتەحنيكا مەن كولىك قۇرالدارىن ساتىپ الۋعا مۇمكىندىك بەرەتىن جەڭىلدىك سەرتيفيكاتتارىن قارجىلاندىرۋدى باستادى. بۇعان دەيىن وكم «وپەراتورى» جشس بەرگەن جەڭىلدىك سەرتيفيكاتتارىنا تولەم جۇرگىزىلمەگەندىكتەن سەرتيفيكاتتى قولدانۋ مۇمكىن بولماعان ەدى.
ەسكى كولىكتەرىن اقشالاي وتەماقىعا تاپسىرعان جەكە جانە زاڭدى تۇلعالار ءتيىستى تولەمدەرىن الۋى ءۇشىن «ە-ءوتىنىش» بىرىڭعاي پلاتفورماسى ارقىلى قوعامنىڭ اتىنا ءوز ءوتىنىشىن جولداپ, بانكتىك دەرەكتەمەلەرىن كورسەتۋى قاجەت.
اقشالاي وتەماقى راستالعان وتىنىمدەر مەن بانك دەرەكتەمەلەرى دۇرىس جىبەرىلگەن وتىنىشتەر بويىنشا تولەم جۇرگىزىلەتىن بولادى.
مەرزىمى وتكەن جەڭىلدىك سەرتيفيكاتتارىن پايدالانۋ قازاقستان رەسپۋبليكاسىندا ەكولوگيالىق تازا اۆتوكولىك قۇرالدارىن (ەلەكتر قوزعالتقىشتارى بار ەۋرازيالىق ەكونوميكالىق وداقتىڭ تەحنيكالىق رەگلامەنتىندە بەلگىلەنگەن ەكولوگيالىق سىنىپقا سايكەس كەلەتىن) جانە ولاردىڭ كومپونەنتتەرىن, سونداي-اق ەكولوگيالىق تالاپتارعا سايكەس كەلەتىن وزدىگىنەن جۇرەتىن اۋىل شارۋاشىلىعى تەحنيكاسىن ءوندىرۋدى ىنتالاندىرۋ قاعيدالارىنا ءتيىستى وزگەرىستەر ەنگىزىلگەننەن كەيىن مۇمكىن بولادى. بۇل ەگترم-ءنىڭ 2021 جىلعى 21 شىلدەدەگى №263 جانە يدم-ءنىڭ 2021 جىلعى 29 شىلدەدەگى №400 بىرلەسكەن بۇيرىعىنىڭ قولدانىلۋ مەرزىمىن ۇزارتۋ بويىنشا بەكىتىلگەن تەحنيكالىق رەگلامەنتتەردە ايقىندالعان.
جەڭىلدىك سەرتيفيكاتىن پايدالانىپ جاڭا كولىك پەن اۋىلشارۋشىلىق تەحنيكاسىن ساتىپ الۋعا بولاتىن اۆتووندىرۋشىلەردىڭ ءتىزىمى قازان ايىندا قوسىمشا جاريالانادى.
