زەرگەرلىككە پارا-پار وپەراتسيا

«الەۋمەتتىك مەديتسينالىق ساق­تان­دىرۋ قورى» كەاق ەلوردا فيليالى ءباسپاسوز قىز­مە­تىنىڭ حابارلاۋىنشا, ۇلتتىق نەيروحيرۋرگيا ورتالىعىنا الماتى وبلىسىنان كەلگەن 6 جاسار قىزدىڭ اتا-اناسى مەديتسينالىق كومەككە جۇگىندى. اتا-انا كىشكەنتاي ناۋقاستىڭ قو­لى مەن اياقتارىنىڭ ءالسىز, قوزعا­لى­سى شەكتەۋلى جانە موينىن ءوز بەتىنشە ۇستاي المايتىنى جونىندە شاعىمدارىن جەتكىزدى.

مرت-دا دارىگەرلەر مويىن-جەلكە ومىرتقا­لا­رىنىڭ دامۋىنداعى تۋابىتكەن اۋىتقۋدى انىقتادى. نەي­­رو­حيرۋرگيا ورتالىعىنىڭ دارى­گەر­لەرى كونسيليۋم وتكىزىپ, ەمدەۋ­دىڭ ودان ءارى تاكتيكاسى مەن ءادىسىن انىقتادى. جاعدايدىڭ كۇردەلىلىگى سول, قىزدىڭ بىرنەشە ومىرتقا دە­نە­­لەرىنىڭ بولماۋىنان, بالا باسىن تولىق ۇستاي الماي, باسى الدى­نا قاراي ىعىسىپ كەتىپ قالادى.

ج ۇلىن نەيروحيرۋرگياسى, شەت­كى جۇيكە جۇ­يە­سى­نىڭ پاتولوگياسى بولىم­شەسىنىڭ مەڭگەرۋ­شىسى تالعات كەرىمباەۆتىڭ ايتۋىنشا, كۇر­دە­لىلىگى مەن قاۋىپتىلىگىنە باي­لا­نىس­تى مۇنداي وپەراتسيالار تەك جە­تەكشى مامانداندىرىلعان كلي­ني­­كالاردا جاسالادى جانە اي­تار­­لىقتاي سيرەك كەزدەسەدى.

ء«بىز بالاعا اسا كۇردەلى وپەراتسيا جاسادىق. قىز بالادا مويىن-جەلكە ومىرتقالارىنىڭ كوپ­تەگەن تۋابىت­كەن اقاۋلارى بولدى. سول سەبەپ­تى ج ۇلىن مەن مي باعاناسى قىسىلعان. وسىعان بايلانىستى, 6 جاسقا دەيىن بالا وزدىگىنەن جۇرە المادى, ەركىن قوزعالا المادى, كيى­نىپ, شال­قاسىنان جاتا المادى. نەۆ­رولوگيالىق سيمپ­توماتولوگيا­نى جانە مرت زەرتتەۋ ناتي­جە­لەرىن ەسكەرە وتىرىپ, نەيروحيرۋرگتەر تو­بى­نىڭ شەشىمى بو­يىنشا باس پەن مويىننىڭ قالىپتى اناتوميالىق اراقاتىناسىن قالپىنا كەلتىرە وتىرىپ, مو­يىن-جەلكە ايماعىنىڭ ومىرتقالارىن قالپىنا كەلتىرۋ, سودان كەيىن س1, س2, س3, س4, س5, س6 ومىرت­قالارىن ترانسارتيكۋليارلى, ترانسكورتيكالدى بەكىتۋ وپەراتسياسى جاسالدى», دەپ ءتۇسىن­دىر­دى ت.كەرىمباەۆ.

قىزدىڭ اناسىنىڭ ايتۋىنشا, بەس جاسقا دەيىن قىز تولىق جۇرە الماعان, بالەرينا سياقتى اياقتىڭ ۇشىمەن ءجۇردى. التى جاسىندا, قىزدىڭ بويى كۇرت وسكەن كەزدە, اياقتىڭ ۇشىمەن ءجۇرۋدى توقتاتىپ, تولىعىمەن توسەككە تاڭىلدى.

ء«بىز بالامىزدىڭ تۋابىتكەن پاتولوگياسى تۋرا­­­­لى بىلگەن كەزدە بۇعان دەيىن دە وسى ورتالىققا جۇ­گىنگەن ەدىك. بىراق دارىگەرلەر سۇيەكتەردىڭ ازداپ نىعايۋى ءۇشىن ءبىراز ۋاقىت كۇتۋ كەرەكتىگىن ايتتى, وپەرا­تسيا كەيىنگە قالدىرىلدى. ەندى وسى ورتالىققا وپەراتسيا جاساتۋعا كەلدىك. مۇندا وپەراتسياعا ارنايى دايىندىق شارالارى ءوتتى. ءبىر اپتا بۇرىن بالاما وپەراتسيا جاسالدى. جۇرۋگە ءالى ەرتە, دە­گەن­مەن قازىر بالامنىڭ ايا­عىن­دا جيى­رىلۋ جوق ەكەنىن بايقادىم. اياق­تىڭ تابانى بوساڭسىعان, بۇ­رىن­عىداي تارتىلىپ تۇرعان جوق. ەندى قىزىمىزدىڭ العاشقى قادامدارىن جاساي الاتىن ساتتەرىن اسىعا كۇتۋ­دە­مىز!», دەدى كىشكەنتاي ناۋ­قاس­تىڭ اناسى.

بالالار نەيروحيرۋرگياسى بو­لىم­­شەسىنىڭ نەيروحيرۋرگ دارى­گەرى ساپاربەك سەيىتبەكوۆتىڭ ايتۋىنشا, وپەراتسيا كەزىندە نەگىزگى مىندەت قى­سىلعان ج ۇلىندى ءساتتى بوساتۋ, فيزيولوگيالىق لوردوز جاساۋ جانە مويىن ومىرتقاسىن بەكىتۋ بولدى.

«وپەراتسيا كەزىندە ومىرت­قا­لاردىڭ اۋىتقۋى تەحني­كالىق تۇر­عىدا قيىندىق تۋعىزدى. مي باعاناسىنىڭ, ج ۇلىن مەن قان تامىرلارىنىڭ زاقىم­دانۋ قاۋپى وتە جوعارى بولدى. وسى ومىر­لىك ما­ڭىزدى ورتالىقتار زاقىمدانعان جاع­دايدا پاتسيەنت سال اۋرۋىنا شال­دىعۋى مۇم­كىن نەمەسە, ءتىپتى پاتسيەنت ولىمىمەن اياقتالۋى دا اب­دەن مۇمكىن ەدى. باقىتىمىزعا وراي, ءبارى ويداعىداي ءوتتى. بالانىڭ قيمىل-قوزعالىسقا بەيىمدەلۋى رەتتەلە باستادى, قازىر جيىرىلۋ رەگرەسسياسى جانە اياقتىڭ بۇلشىق ەتتەرىنىڭ كۇش الۋ ديناميكاسى بايقالادى», دەدى س.سەيىتبەكوۆ.

ءمامس اياسىندا جۇرگىزىلگەن وپە­راتسيا 4 ساعاتقا سوزىلدى. وپەرا­تسيانى پروفەسسور, ۇجعا اكا­دەميگى تالعات كەرىمباەۆ, پراك­تيكا­لىق جۇمىس ءوتىلى 30 جىلدان استام, نەيروحيرۋرگ دارىگەر, PhD ۆيكتور الەينيكوۆ جانە بالالار نەيرو­حيرۋرگياسى بولىمشەسىنىڭ نەيروحيرۋرگ دارىگەرى ساپاربەك سەيىتبەكوۆ جاسادى.