ىنتىماقتاستىق فورۋمى

فورۋمعا ەلىمىزدىڭ باستاۋىش كاسىپوداق ۇيىمدارىنىڭ, وبلىستىق كاسىپوداق ورتا­لىقتارى مەن سالالىق كاسىپوداق ۇيىمدارىنىڭ كاسىپوداق كوشباسشىلارى, حالىقارالىق جانە الەۋمەتتىك ارىپتەس­تەر, سونداي-اق پارلامەنت دەپۋتاتتارى قاتىستى.

ءىس-شارا اياسىندا كاسىپوداق جۇمىسى قورىتىندىلاندى. سونداي-اق كاسىپوداقتار فەدەراتسياسىنىڭ 2020-2025 جىلدارعا ارنال­عان ستراتەگياسىنداعى مىندەت­تەردى ودان ءارى جۇزەگە اسىرۋعا قاتىستى ماقساتتار مەن ناقتى ءىس-شارالار بەلگىلەندى.

كاسىپوداقتار فەدەراتسياسىنىڭ توراعاسى ساتىبالدى داۋلەتالين كاسىپوداق قاۋىم­داستىعىن ادىلەتتى قازاقستاندى قۇرۋ جاعدا­يىنداعى كاسىپوداقتارعا ارنالعان جاڭا نۇسقاۋلىقتارمەن تانىستىردى.

ء«بىز بۇگىن جاڭا تاريحي كەزەڭنىڭ – تاۋەلسىز قازاقستاننىڭ ءتورتىنشى ون جىل­دىعىنىڭ باسىندا تۇرمىز. كاسىپوداق كوشباس­شىلارىنىڭ بۇگىنگى فورۋمىنىڭ فور­ماتىن دا تاريحي دەۋگە بولادى. كاسىپ­وداقتار فەدەراتسياسى ەگەمەندىك العاننان بەرى ءوز قاتارىندا 16 مىڭنان استام باستاۋىش كاسىپوداق ۇيىمىنان 2 ميلليونعا جۋىق ەڭبەككەردى بىرىكتىرىپ وتىرعان ەڭ ءىرى قوعام­دىق ۇيىمعا اينالدى.

بىرلىك, ادىلەتتىلىك, ەڭبەك ادامىنا قۇر­مەت – ءبىزدىڭ ءىس-ارەكەتتەرىمىزدىڭ الگو­ريتمى. ەڭبەك ادامىن قۇرمەتتەۋ, ونىڭ قۇقىق­­تارى مەن مۇددەلەرىن قورعاۋ – 26 سەزدە قابىل­دانعان كاسىپوداقتار فەدەراتسياسى قىزمەتىنىڭ ستراتەگياسىندا كورىنىس تاپقان ءبىزدىڭ كاسىپوداق ۇيىمدارى قىزمەتىنىڭ نەگىزگى قاعيداسى. ءبىز ونىڭ وزەكتىلىگى مەن ۋاقتىلىعىنا بىرقاتار كوز جەتكىزدىك جانە بارلىق الاڭدا ءوز قۇندىلىقتارىمىزدى ناسيحاتتايمىز», دەدى س.داۋلەتالين.

كاسىپوداق كوشباسشىلارى مەن الەۋ-مەتتىك ارىپتەستەر قازىرگى زاماننىڭ سىن-قاتەرلەرى, قاۋىپسىز ەڭبەكتى قامتاماسىز ەتۋ جانە زاماناۋي كاسىپوداقتاردىڭ ءرولى ماسە­لەلەرى تۇرعىسىنان الەۋمەتتىك ديالوگ­تىڭ وزەكتى اسپەكتىلەرىن تالقىلادى.

فورۋم الاڭىندا «ەڭبەك ادامىن ۇلىقتاۋ» مەديا-بايقاۋىنىڭ جانە «ۇزدىك تەحنيكالىق ينسپەكتور-2021» جانە «ۇزدىك شيپاجاي» بايقاۋلارىنىڭ جەڭىم­پازدارىن ماراپاتتاۋ ءراسىمى ءوتتى. كاسىپ­وداق بەلسەندىلەرىنىڭ كاسىپوداق قوزعا­لىسىن دامىتۋعا قوسقان ۇلەسىن كاسىپ­وداق ماراپاتتادى. فورۋمعا قاتىسۋشىلار ەلىمىزدىڭ كاسىپورىندارى مەن ۇيىمدارى قىزمەت­كەرلەرىنىڭ قۇقىقتارى مەن مۇددەلەرىن قورعاۋ بويىنشا كاسىپوداق قىزمەتىن دامىتۋ تۋرالى قاۋلى قابىلدادى.