ءموبيلدى قوسىمشا ارقىلى ساتۋ نۇكتەسىن, كومىردىڭ قاجەتتى ماركاسىن جانە كولەمىن تاڭداۋ مۇمكىندىگى بار. سونىمەن بىرگە ونلاين تولەم جاساپ, تاۋار اقىسىن 3 ايدان 6 ايعا دەيىن ءبولىپ تولەۋگە بولادى. اتالعان زاماناۋي شەشىم قاتتى وتىندى تىكەلەي جانە كەزەكسىز ساتىپ الۋعا, سونداي-اق حالىقتىڭ جىلىتۋ ماۋسىمىنا دايىندىعىن ايتارلىقتاي جەڭىلدەتۋگە مۇمكىندىك بەرەدى. ءتيىستى جۇمىستار باسقا دا وڭىرلەردە جۇرگىزىلەدى.
يندۋستريا جانە ينفراقۇرىلىمدىق دامۋ مينيسترلىگى يندۋستريالىق دامۋ كوميتەتى توراعاسىنىڭ ورىنباسارى تۇرار جولماعامبەتوۆتىڭ ايتۋىنشا, تۇتىنۋشىلاردىڭ ونلاين تۇردە ساتىپ الىنعان كومىردىڭ ساپاسىنا كوڭىلى تولماسا, قايتارىپ بەرۋ مۇمكىندىگى دە قاراستىرىلعان. سونىمەن قاتار تيەلىپ جاتقان كومىردىڭ ساپاسىنا ءوزى كوز جەتكىزگىسى كەلەتىندەردىڭ دە ونلاين تۇردە كەزەگى مەن ۋاقىتىن انىقتاپ الىپ, بارۋىنا دا مۇمكىندىگى جاسالادى.
«ەگەر كەلگەن كومىر ايتارلىقتاي ساپاسىز بولعان جاعدايدا ونى ءسىز قايتارا الاسىز. بۇل ماسەلە وڭىرلىك كومىر وپەراتورلارى مەن كومىر رازرەزدەرىنىڭ جاۋاپكەرشىلىگىندە», دەدى ت.جولماعامبەتوۆ.
ايتا كەتەرلىگى, ۆەدومستۆو وڭىرلەردىڭ اكىمدىكتەرىمەن بىرلەسىپ, كومىردى جەتكىزىپ بەرۋ مەن ءبولۋ ماسەلەلەرىن ەرەكشە باقىلاۋدا ۇستاپ وتىر.
2022 جىلعى قاڭتار-تامىزدا ەلىمىزدە 73,7 ملن توننا كومىر وندىرىلگەن, بۇل بىلتىرعى سايكەس كەزەڭمەن سالىستىرعاندا 6,2%-عا ارتىق. كومىر ءوندىرۋشى كاسىپورىنداردىڭ دەرەكتەرى بويىنشا باعا بىلتىرعى دەڭگەيدە ساقتالعان. ال ساتۋ ورىندارىندا كومىر باعاسىنىڭ وسۋىنە جول بەرمەۋ ءۇشىن ونى ۇزدىكسىز تاسىمالداۋدى قامتاماسىز ەتۋ جانە اۆتوموبيل كولىگىمەن ەلدەن تىس جەرلەرگە اكەتۋدى 6 ايعا شەكتەۋ جونىندە شارالار قابىلداندى.
