«نيۆا» ماركالى اۆتوكولىكتىڭ 40 جاستاعى جۇرگىزۋشىسى جولدىڭ وڭ جاعىندا ىلەسپە باعىتتا تۇرعان «كاماز-5320» اۆتوكولىگىنىڭ تىركەمەسىمەن سوقتىعىسقان.
«جكو سالدارىنان 1982, 2010 جانە 2016 جىلى تۋعان «نيۆا» اۆتوكولىگىنىڭ جولاۋشىلارى وقيعا ورنىندا العان جاراقاتتارىنان قايتىس بولدى. «نيۆا» جۇرگىزۋشىسى مەن «كاماز-5320» اۆتوماشيناسىنىڭ جۇرگىزۋشىسى ءتۇرلى جاراقاتتارمەن اۋرۋحاناعا جاتقىزىلدى», دەدى پاۆلودار وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى جاسقايرات قايىروۆ.
سوت-مەديتسينالىق ساراپتاما تاعايىندالدى. اۆتوكولىكتەر ارنايى ايىپ تۇراعىنا قويىلدى.
