قوعام • 05 قازان، 2022

« ۇلىتاۋعا باردىڭ با؟..»

54 رەت كورسەتىلدى

جاياۋلاتقان اربالى جولاۋشىنىنىڭ ماناتا اسۋىنا ىلىگىپ بارا جاتقانىن كورىپ، «اقساقال امان-ساۋ اقتاۋعا جاقىنداپ قالعان ەكەن» دەپ ىشتەي قۋانعانمىن. قازاقستاننىڭ 20 شاقتى قالاسىن جاياۋ باسىپ، ماڭعىستاۋ دالاسىندا ۇلى جولدىڭ ۇستىندە كەلە جاتقان 72 جاستاعى قاريانىڭ ءجۇرىسى شيراق كورىندى. ءوزى عانا ەمەس، سۇيرەپ جۇرگەن اربا-جۇگى دە بار...

جول بويىنداعى اۋىلدار تۇر­عىندارى مەن كەزدەسكەن جولاۋ­شى­لاردىڭ ىقىلاسىنا بولەنىپ، بىرگە سۋرەتكە تۇسە ءجۇرىپ 8 مىڭ شاقىرىمدى جاياۋ ەڭسەرگەن ۇلىتاۋلىق جيھانكەز اقتاۋعا جەتتى. « ۇلىتاۋعا باردىڭ با؟..» دەپ ۇرانداتقان قاريانىڭ ايتۋىنشا، ول ساياحاتقا شىعۋدى 6 جىل بويى ارمانداعان ەكەن. بىراق تەك وسى جىلدىڭ ناۋرىزىندا عانا جۇزەگە اسىرۋعا مۇمكىندىك بولعان. قاريا وسى ساپارى ارقىلى بىرنەشە ماقساتقا قول جەتكىزۋدى جوسپارلاعان.

– ءبىرىنشى ماقساتىم – ۇلىتاۋ ءوڭىرىنىڭ قازاق تاريحىندا الاتىن ورنىن ەلگە ناسيحاتتاۋ. ەكىنشى ماق­ساتىم – قازاقتىڭ ۇلتتىق قولونەر شەبەرلەرىن تۇگەندەپ يۋنەسكو-عا ەنگىزۋ. ءۇشىنشىسى – ۇمىتىلىپ كەتكەن قازاقتىڭ ۇلتتىق قىمىز مەيرامىن ەلگە ناسيحاتتاپ ءتۇسىندىرۋ، – دەدى سارسەنباي قوتىراشەۆ.

ۇزاق ساپاردى اياقتاپ، اقتاۋدا جۋرناليستەرمەن جۇزدەسكەن ول ساپارى بارىسىندا تۇرعىندار كومەكتەسكەنىن، اسىرەسە ازىق-ت ۇلىك، سۋسىن اكەلەتىندەر كوپ بولعاندىعىن، سۋرەتكە تۇسۋگە قۇمار بالالار سانى ارت­قانىن جەت­كىزدى.

ماڭعىستاۋ وبلىستىق قوعامدىق كوممۋنيكاتسيا ورتالىعى ەگدە جاستا

8 مىڭ شاقىرىم جولدى ءجۇرىپ وتكەن ادام وسى ۋاقىتقا دەيىن تىركەلمەگەندىكتەن، 72 جاستاعى سارسەنباي قو­تى­را­شەۆتىڭ گيننەستىڭ رەكوردتار كىتا­بىنا ەنۋى مۇم­كىن ەكەندىگىن حابارلادى. ال جي­ھان­كەز بولسا ەندى الەمدى شارلاپ، قازاق­ستاندى تانىتۋدى ارمانداپ جۇر­گەنىن ايتادى.            

 

ماڭعىستاۋ وبلىسى

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار