پارلامەنت • 04 قازان، 2022

ماۋلەن اشىمباەۆ جاس ساراپشىلار كلۋبى مۇشەلەرىمەن كەزدەستى

55 رەت كورسەتىلدى

سەنات سپيكەرى ماۋلەن اشىمباەۆتىڭ توراعالىعىمەن پالاتا جانىنداعى جاس ساراپشىلار كلۋبىنىڭ كەزەكتى وتىرىسى ءوتتى. وتىرىس بارىسىندا قاتىسۋشىلار مەملەكەت باسشىسىنىڭ جولداۋىنداعى الەۋمەتتىك-ەكونوميكالىق باسىمدىقتاردى تالقىلاپ، ولاردى ىسكە اسىرۋعا ارنالعان ۇسىنىستارىن ورتاعا سالدى. ءىس-شاراعا ەلىمىزدىڭ ۇلتتىق ەكونوميكا ءمينيسترى الىبەك قۋانتىروۆ قاتىستى، دەپ حابارلايدى Egemen.kz.

وتىرىستى اشقان سەنات توراعاسى جەكە كاسىپكەرلىك باستامالاردى ىنتالاندىرۋ، باسەكەلەستىكتى دامىتۋ، ۇلتتىق تابىستى ءادىل ءبولۋ جانە باسقا دا ستراتەگيالىق باستامالار جاڭا ەكونوميكالىق ساياساتتىڭ باسىمدىقتارى ەكەنىن ايتتى.

«باعا بەلگىلەۋ ىسىنە مەملەكەتتىڭ ارالاسۋىنان بىرتىندەپ باس تارتۋ جانە ەكونوميكانى ودان ءارى مونوپولياسىزداندىرۋ جولداۋدا بەلگىلەنگەن ءبىرىنشى كەزەكتەگى مىندەتتەر ەكەنى انىق. سونداي-اق تۇراقتى ەكونوميكالىق ءوسۋدى قامتاماسىز ەتۋ ءۇشىن تۇسىنىكتى جانە بولجامدى ەكونوميكالىق ساياسات كەرەك. پرەزيدەنتىمىز قارجى سەكتورىن جانداندىرۋ ءۇشىن جاڭا سالىق كودەكسىن ازىرلەۋدى تاپسىردى. بۇگىندە بۇل باعىتتا ءتيىستى جۇمىستار باستالىپ تا كەتتى. سونىمەن قاتار مەملەكەت باسشىسى كەدەندىك اكىمشىلەندىرۋ جانە بيۋدجەتتىك ساياسات سالالارىن جاقسارتۋ بويىنشا ايتارلىقتاي رەفورما جۇرگىزۋ جانە ناقتى شارالار قابىلداۋ قاجەت ەكەنىن ايتتى»، – دەدى ماۋلەن اشىمباەۆ.

سەنات توراعاسى جولداۋدا مەملەكەتتىك-جەكەمەنشىك سەرىكتەستىكتىڭ جاڭا مودەلىن ەنگىزۋ جانە نەسيە رەسۋرستارىنىڭ تاپشىلىعىن شەشۋ ارقىلى كاسىپكەرلىكتى جۇيەلى تۇردە قولداۋعا ەرەكشە نازار اۋدارىلعانىن دا اتاپ ءوتتى.

ماۋلەن اشىمباەۆ مەملەكەت باسشىسى پاندەميانىڭ شەكتەۋلى رەسۋرستار جاعدايىنداعى ەل ەكونوميكاسىنا تيگىزگەن سالدارىن ەسكەرە وتىرىپ، بىرقاتار نەگىزگى باسىمدىقتى بەلگىلەپ بەرگەنىنە نازار اۋداردى.

«بىزگە قازىر الداعى جىلداردا قازاقستاندا كاسىپكەرلەرگە جۇمىس ىستەۋگە، ءوز كاسىبى مەن بيزنەسىن جۇرگىزۋگە مۇمكىندىك بەرەتىن ناقتى ەرەجەلەر قاجەت. بۇل – ءادىل، اشىق، دەموكراتيالىق قازاقستاننىڭ جاڭا پاراديگماسىن قالىپتاستىرۋدىڭ العاشقى قادامى. جولداۋدان تۋىندايتىن ەكىنشى مىندەت – ۇلتتىق كومپانيالار مەن كۆازيمەملەكەتتىك سەكتوردى جانە وزگە دە تەتىكتەردى رەفورمالاۋ ارقىلى مەملەكەتتىڭ ەكونوميكاداعى ۇلەسىن ازايتۋ. تاعى ءبىر باسىمدىق، ءبىز ەكونوميكانى بەلسەندى تۇردە نەسيەلەۋ بويىنشا ماقساتتى قادامدار جاساۋىمىز قاجەت. پرەزيدەنتىمىز باستى ەرەجەلەردى اتاپ ءوتتى. ەندى ءبىز ءوز ۇسىنىستارىمىزدى بەرىپ، ولاردى نەگىزگى قاتىسۋشى تاراپتارعا جەتكىزۋىمىز كەرەك. سونداي-اق ءارى قاراي سول ەرەجەلەردى ۇستانۋعا ءتيىسپىز»، – دەدى سەنات سپيكەرى.

ءوز كەزەگىندە ۇلتتىق ەكونوميكا ءمينيسترى الىبەك قۋانتىروۆ مينيسترلىكتىڭ وسى باعىتتاعى جۇمىسىنا توقتالىپ، ەلىمىزدەگى جانە الەمدەگى ەكونوميكالىق ۇدەرىستەردى جان-جاقتى زەرتتەپ، كەشەندى ساراپتاما جۇرگىزگەنى ءۇشىن وتىرىسقا قاتىسۋشىلارعا ريزاشىلىعىن ءبىلدىردى. سونداي-اق ول جاڭا يدەيالار جولىندا مەملەكەت پەن ساراپشىلار قاۋىمداستىعىنىڭ بىرلەسىپ جۇمىس ىستەۋى ماڭىزدى قادام ەكەنىن تىلگە تيەك ەتتى.

ءىس-شارا بارىسىندا جاس ساراپشىلار كلۋبىنىڭ مۇشەلەرى سالىق مولشەرلەمەلەرى مەن باسقا دا الەۋمەتتىك اۋدارىمداردىڭ حالىقارالىق تاجىريبەسىنە، قازىرگى سانكتسيالىق تەكەتىرەس جاعدايىندا وتاندىق بيزنەستىڭ ستراتەگياسىنا جانە ەكونوميكالىق دامۋدىڭ باسقا دا ماڭىزدى ماسەلەلەرىنە قاتىستى ءوز ۇسىنىستارى مەن ۇسىنىمدارىن ايتتى.

سوڭعى جاڭالىقتار

ەلىمىزدە 175 ادام كوروناۆيرۋس جۇقتىردى

كوروناۆيرۋس • بۇگىن، 09:06

«ايبوز» دارابوزدارى انىقتالدى

ادەبيەت • بۇگىن، 08:55

پرەزيدەنت قۇتتىقتاۋى

پرەزيدەنت • بۇگىن، 08:50

ەلدىك نيەت

ايماقتار • بۇگىن، 08:48

كەزەكتە – جەر ۇيلەر

ايماقتار • بۇگىن، 08:46

زاڭ جوباسى قارالدى

ساياسات • بۇگىن، 08:42

ءتيىمدى ىنتىماقتاستىق

ساياسات • بۇگىن، 08:38

جەڭىستىڭ باستاۋى – حالىق

قوعام • بۇگىن، 08:27

اسىل تۇقىمنىڭ پايداسى

ايماقتار • بۇگىن، 08:24

بەرەكەلى اقباس سيىر

ەكونوميكا • بۇگىن، 08:20

اۆتوجولدىڭ سان الۋان ماسەلەسى

ەكونوميكا • بۇگىن، 08:18

ىشكى جالپى ءونىم 4 پايىزعا وسەدى

ەكونوميكا • بۇگىن، 08:14

ينفلياتسيانىڭ كەزەكتى تولقىنى

ەكونوميكا • بۇگىن، 08:10

اۋرۋدىڭ الدىن الايىق!

مەديتسينا • بۇگىن، 08:08

ءبىلىم كوكجيەگىن كەڭەيتكەن

عىلىم • بۇگىن، 08:06

ساپاسىز ويىنشىقتىڭ زالالى

ايماقتار • بۇگىن، 08:04

قاراۋسىز مال اپاتقا ۇرىندىرادى

ايماقتار • بۇگىن، 08:02

كولىك گازىنا ۋلانعان

ايماقتار • بۇگىن، 07:59

قۇمار ويىننىڭ قۇرباندارى

قوعام • بۇگىن، 07:56

سۇلۋلىق ساپارى

رۋحانيات • بۇگىن، 07:54

ۇقساس جاڭالىقتار