«استانا تازالىق» قىزمەتكەرلەرىن كومپانيانىڭ 14 جىلدىعىمەن قۇتتىقتادىم. ءبىزدىڭ كوممۋنالدىق قىزمەتتەر كۇندىز دە, تۇندە دە, كەز-كەلگەن اۋا-رايىندا جۇمىسىن توقتاتپايدى. ولاردىڭ قاجىرلى جانە جاۋاپتى جۇمىسىنىڭ ارقاسىندا قالادا ءتارتىپ پەن تازالىق ساقتالادى. كوممۋنالدىق قىزمەتكەرلەر قالا تۇرعىندارىنا قولايلى جاعداي جاساۋ ءۇشىن جۇمىس ىستەيدى», دەپ جازدى استانا اكىمى.
اكىم كومپانيا قىزمەتكەرلەرى ءۇشىن قولايلى جاعدايدى جاقسارتۋ بويىنشا ءتيىستى جۇمىس اتقارىلىپ جاتقانىن اتاپ ءوتتى. ماسەلەن, ءۇش جىل ىشىندە 300-دەن استام ارنايى تەحنيكا مەن جابدىقتار ساتىپ الىندى, وسىلايشا ەلوردالىق اۆتوپارك ايتارلىقتاي جاڭارىپ, كەڭەيتىلدى.
«جۇيەلى نەگىزدە جالاقىنى ارتتىرامىز. مىسالى, وسى جىلدىڭ قاراشا ايىنان باستاپ جول جۇمىسشىلارى مەن جۇرگىزۋشىلەردىڭ جالاقىسىن 20%-عا ارتتىرامىز (بۇرىن جالاقى باسقا ساناتتار ءۇشىن دە كوتەرىلگەن). سىياقىلار, سونىڭ ىشىندە مەرەكە كۇندەرىنە ەنگىزىلدى. بىراق بۇل دا جەتكىلىكسىز. ءبىز جاعداي جاساۋ ءۇشىن بارلىق كۇش-جىگەرىمىزدى جۇمسايمىز, سونىڭ ىشىندە كوممۋنالدىق قىزمەت قىزمەتكەرلەرىنىڭ جالاقىسىن كوتەرەمىز», دەلىنگەن اكىم حابارلاماسىندا.
كەزدەسۋ سوڭىندا التاي كولگىنوۆ كومپانيا قىزمەتكەرلىن قۇتتىقتاپ, قاجىرلى ەڭبەكتەرى ءۇشىن العىسىن ايتتى.
ء«بىزدىڭ كوممۋنالدىق قىزمەتكەرلەرگە العىسىمدى بىلدىرەمىن! ءبىز سىزدەردىڭ ەڭبەكتەرىڭىزدى باعالايمىز», دەدى اكىم.
