الماتىداعى №4 قالالىق پەرزەنتحانانىڭ اكۋشەرى تامارا حۆان «دەنساۋلىق» باستاۋىش پارتيا ۇيىمىنىڭ جينالىسىندا ءسوز سويلەپ, وتباسىنىڭ ءال-اۋقاتى مەن ۇلت ساۋلىعى سىندى باعىتتاردىڭ ماڭىزدىلىعىن اتاپ ءوتتى.
«پارتيالىقتار وزدەرىنىڭ باعدارلامالىق قۇجاتتارى مەن باستامالارىندا دەنساۋلىق ساقتاۋ سالاسىنىڭ ساپاسىن ارتتىرۋ ماسەلەسىن ۇنەمى نازارعا الىپ وتىرادى. وسىلايشا, ولار ازاماتتارىمىزعا ءىس جۇزىندە قامقورلىق كورسەتىپ كەلەدى», دەپ اتاپ ءوتتى ت.حۆان.
ءوز كەزەگىندە, «قىزىلوردا ماگيسترالدىق جەلى بولىمشەسى» باستاۋىش پارتيا ۇيىمىنىڭ مۇشەسى سابىر بيمۇحامەدوۆ جاڭا باعدارلامالىق قۇجات پارتيالىقتاردىڭ باسىم كوپشىلىگىنىڭ كوزقاراسى مەن پىكىرىن بىرىكتىرەتىنىن اتاپ ءوتتى.
«بارلىق وڭىردەن ۇسىنىس جيناۋ جانە الەۋمەتتىك ساۋالداما جۇرگىزۋ ارقىلى پارتيالىقتاردىڭ قۇجاتقا قاتىستى پىكىرىن بىلدىرۋىنە مۇمكىندىك بەرىلدى. جالپى, Amanat ەلىمىزدىڭ باستى ساياسي كۇشى بولا وتىرىپ, ءاربىر ازاماتتىڭ مۇددەسىن قورعاۋدى جالعاستىرىپ جاتقانى قۋانتادى», دەدى س.بيمۇحامەدوۆ.
پاۆلوداردا بپۇ مۇشەلەرى قالالىق ترامۆاي باسقارماسى بازاسىندا وبلىستىق ماسليحاتتاعى پارتيا دەپۋتاتتارىمەن بىرگە جاڭا تۇعىرنامانىڭ نەگىزگى باسىمدىعى ازاماتتاردىڭ ءال-اۋقاتىنا باعىتتالعانىن اتاپ ءوتتى.
«توم-توم قۇجاتتى زەرتتەپ وتىراتىن ۋاقىتىمىز جوق. ءبىز ءۇشىن قاراپايىمدىلىق پەن قولجەتىمدىلىك ماڭىزدى. ال جاڭا ساياسي تۇعىرنامانىڭ جوباسى وسى قاعيداتتارعا ساي كەلەدى. پارتيا جۇمىسىندا ادام مەن ونىڭ ءال-اۋقاتىنا نەگىزگى باسىمدىق بەرىلەتىنى ءبىز ءۇشىن وتە ماڭىزدى», دەدى د.ماحمۇدوۆ اتىنداعى ترامۆاي دەپوسىنىڭ قىزمەتكەرى سايلاۋبەك اسىحانوۆ.
وبلىستىق ماسليحاتتاعى Amanat فراكتسياسىنىڭ مۇشەسى سەرىك جارتىباەۆ جاڭا قۇجات قاتارداعى پارتيالىقتاردىڭ مىڭداعان پىكىرىن قامتيتىنىن اتاپ ءوتتى.
«جەرگىلىكتى اقپاراتتىق تەحنولوگيالار كوللەدجىنىڭ ديرەكتورى رەتىندە, وسى تۇعىرنامادا بالالارىمىزدىڭ مەكتەپكە دەيىنگى تاربيەسىنەن باستاپ, بارلىق دەڭگەيدەگى ءبىلىم بەرۋ سالاسىنا ەرەكشە نازار اۋدارىلعانى ماڭىزدى. Amanat پارتياسىنىڭ بۇكىل ساياسي پلاتفورماسى ادىلەتتى قازاقستاندى قۇرۋعا باعىتتالعان», دەدى س.جارتىباەۆ.
قاراعاندى وبلىسىنداعى «مەملەكەتتىك مۇراعات» بپۇ جەتەكشىسى ەلەنا چەرنايا جاڭا تۇعىرناما – زاماناۋي تالاپتارعا جاۋاپ بەرەتىن Amanat پارتياسىنىڭ باستى يدەولوگيالىق قۇجاتى ەكەنىن اتاپ ءوتتى.
«تۇعىرناما بولاشاقتاعى باعىت پەن دامۋ باعدارلارىن, قاعيدالارىن قامتيدى. ول ءبىزدى ادىلەتتى قازاقستاندى قۇرۋعا تاعى ءبىر قادام جاقىنداتادى», دەدى ە.چەرنايا.
بپۇ جيىندارىنىڭ قورىتىندىسى بويىنشا پارتيانىڭ اۋماقتىق فيليالدارىنىڭ كونفەرەنتسيالارىنا قاتىسۋ ءۇشىن دەلەگاتتار سايلاندى.
ەسكە سالا كەتەيىك, 6 قازاندا استانا قالاسىندا Amanat پارتياسىنىڭ كەزەكتەن تىس XXIV سەزى وتەدى. سەزد جۇمىسىنا ەلىمىزدىڭ بارلىق وڭىرىنەن دەلەگاتتار قاتىسادى.
