بيزنەس • 29 قىركۇيەك، 2022

قازاقستاندا بيزنەسكە قاتىستى 400-دەن استام زاڭسىز ءىس توقتاتىلدى

53 رەت كورسەتىلدى

باس پروكۋرور بەرىك اسىلوۆ مەملەكەت باسشىسىنىڭ قۇقىق قورعاۋ ورگاندارى تاراپىنان بيزنەسكە قىسىمدى تومەندەتۋ تۋرالى تاپسىرمالارىن ىسكە اسىرۋ ماقساتىندا قابىلدانعان شارالار ناتيجەسىندە پروكۋراتۋرا جىل باسىنان بەرى 400-دەن استام زاڭسىز قوزعالعان ءىستى توقتاتقانىن حابارلادى، دەپ جازادى Egemen.kz.

بيزنەس-قوعامداستىقپەن كەزدەسۋ بارىسىندا باس پروكۋرور پرەزيدەنتتىڭ قۇقىق قورعاۋ ورگاندارى تاراپىنان قىسىمدى تومەندەتۋ جونىندەگى تاپسىرماسى اياسىندا قانداي جۇمىس جۇرگىزىلگەنىن باياندادى.

ونىڭ ايتۋىنشا، پروكۋرورلار قىلمىستىق وربيتاعا تۇسكەن كاسىپكەرلەردىڭ شاعىمدارىن كۇن سايىن الادى.

ء«بىز ىستەردى توقتاتۋ، تۇتقىنداۋلار مەن باسقا دا شەكتەۋلەردى الىپ تاستاۋ بويىنشا شارالار قابىلدادىق. جىل باسىنان بەرى بيزنەس سۋبەكتىلەرىنە قاتىستى زاڭسىز قوزعالعان 400-دەن استام قىلمىستىق ءىس توقتاتىلدى»، دەدى بەرىك اسىلوۆ.

ماسەلەن، باس پروكۋروردىڭ نۇسقاۋىنا سايكەس، ەگەر بيزنەسمەن تەكسەرۋ نەمەسە اۋديت ناتيجەلەرىنە شاعىمدانۋ ءۇشىن مەرزىمى وتپەگەن بولسا; ەگەر شەشىم نەگىزىندە قىلمىستىق قۋدالاۋ ورگانىنىڭ شتاتتىق مامانى جاساعان زالال تۋرالى رەسمي قورىتىندى بولسا; ەگەر مەردىگەر ۇنەمدەۋ ناتيجەسىندە پايدا السا جانە ورىندالعان جۇمىستاردىڭ ساپاسىنا قاتىستى شاعىمدار بولماسا، ءىس قوزعاۋعا تىيىم سالىنادى.

پروكۋرورلارعا قوزعالعان ىستەردى 24 ساعات ىشىندە تەكسەرۋ تاپسىرىلدى. بۇزۋشىلىقتار انىقتالعان جاعدايدا مۇنداي ىستەر دەرەۋ توقتاتىلادى.

سوڭعى جاڭالىقتار

پرەزيدەنت جامبىل وبلىسىنا باردى

قازاقستان • بۇگىن، 11:43

ۇقساس جاڭالىقتار