بيىل ەلىمىزدە 1 قىركۇيەكتەن باستاپ قر ست 986-2022 ۇلتتىق ستاندارتى قولدانىسقا ەنگىزىلدى. وندا جالعاندىقتان قورعاۋ ءۇشىن قاجەتتى ارنايى جانە قوسىمشا ەلەمەنتتەرى بولۋعا ءتيىس نومىرلىك بەلگىلەر مەن وعان ارنالعان بلانكىلەرگە قويىلاتىن تالاپتار جازىلعان. ىشكى ىستەر مينيسترلىگىنىڭ «اقپاراتتىق-وندىرىستىك ورتالىعى» دايىنداعان ستاندارت مەملەكەتتىك تىركەۋ بەلگىلەرىندەگى قارىپتەرگە, ساندارعا جانە قورعاۋ ەلەمەنتتەرىنە قويىلاتىن تەحنيكالىق تالاپتاردى بىرىزدەندىرۋدى قامتاماسىز ەتەدى.
مامانداردىڭ ايتۋىنشا, پوليتسيا قىزمەتكەرلەرى نومىرلەردىڭ تۇپنۇسقا ەكەنىن تەكسەرە الاتىن بىرەگەي DMC-كودتارىن قولدانۋ قوسىمشا قاۋىپسىزدىك ەلەمەنتتەرىنە جاتقىزىلعان. ارنايى قورعانىس ەلەمەنتتەرىن ءنومىردىڭ بەتىنەن حيميالىق جولمەن نەمەسە فيزيكالىق اسەر ەتۋ ارقىلى الىپ تاستاۋعا بولمايدى جانە ول نومىردە ساقتالۋعا ءتيىس.
ايتا كەتەيىك, مۇنداي ارنايى ستاندارتتى ەنگىزۋ ءونىم ءوندىرۋ باعاسىنىڭ وزگەرۋىنە, سونداي-اق مەملەكەتتىك بيۋدجەتتەن قوسىمشا شىعىندارعا اكەپ سوقپايدى.
