مارات ءابۋوۆ ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىن شەتەل ءتىلى باكالاۆرى, سونداي-اق باتىس قازاقستان ينجەنەرلىك-گۋمانيتارلىق ۋنيۆەرسيتەتىن قۇقىقتانۋ ماماندىعىن بىتىرگەن. قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ ماگيسترى.
1999-2004 جىلدار ارالىعىندا قىزىلقوعا اۋدانى, ميالى اۋىلىنداعى ح.دوسمۇحامەدوۆ اتىنداعى ورتا مەكتەپتە مۇعالىم بولىپ قىزمەت اتقاردى.
2004-2005 جىلدارى قىزىلقوعا اۋداندىق ءبىلىم ءبولىمىنىڭ باس مامانى, 2005-2008 جىلدارى قىزىلقوعا اۋدانى اكىمى اپپاراتىنىڭ ۇيىمداستىرۋ, كادر جانە مەملەكەتتىك-قۇقىقتىق جۇمىس ءبولىمىنىڭ باس مامانى بولىپ قىزمەت اتقاردى.
2008-2011 جىلدارى - قىزىلقوعا اۋدانى اكىمى اپپاراتىنىڭ جالپى ءبولىمىنىڭ مەڭگەرۋشىسى.
2011-2017 جىلدارى - قىزىلقوعا اۋدانى اكىمى اپپاراتىنىڭ باسشىسى.
2017 جىلدان باستاپ قازىرگى ۋاقىتقا دەيىن قىزىلقوعا اۋدانى اكىمىنىڭ ورىنباسارى قىزمەتىن اتقاردى.
