ونەر • 25 قىركۇيەك، 2022

بوچەلليدىڭ اريالارى شىرقالدى

58 رەت كورسەتىلدى

ەلورداداعى روزا باعلانوۆا اتىنداعى «قازاقكونتسەرت» مەم­لەكەتتىك كونتسەرتتىك ۇيىمىندا قازاق مەملەكەتتىك سيم­­فونيالىق وركەسترىنىڭ «اندرەا بوچەلليدىڭ رەپەر­تۋا­رىنداعى ايگىلى اريالار مەن اندەر» اتتى كەرەمەت كەش ءوتتى.

وسىنداي كونتسەرت بىلتىر پارسى شىعاناعىنداعى دۋبايداعى وتەلدەردىڭ جانىنداعى ۇلكەن الاڭقايدا اشىق اسپان استىندا بولعان. وندا ا.بوچەلليدى قازاق مەملەكەتتىك سيمفونيالىق وركەسترى مەن ونىڭ كوركەمدىك جەتەكشىسى، قازاقستاننىڭ ەڭبەك ەرى ايمان مۇساقوجاەۆا سۇيەمەلدەپ، «Parus-2021» فەستيۆالىنىڭ كورەرمەندەرىن جىلى اسەرگە بولەدى. مۇنى سونىڭ جالعاسى دەي الامىز.

جالپى، قازاق مەملەكەتتىك سيمفونيالىق وركەسترى – ەلىمىزدەگى ۇزدىك مۋزىكالىق ۇجىمداردىڭ ءبىرى. ونىڭ قۇرامىندا قازىرگى زامانعى قازاقستاندىق مۋزىكالىق ونەردى حالىقارالىق دەڭگەيدە ناسيحاتتاپ، كامەرالىق مۋزىكانىڭ الەمدىك ءداستۇرىن جالعاستىرۋشى جوعارى كاسىبي مۋزىكانتتار، حالىقارالىق بايقاۋلاردىڭ لاۋرەاتتارى بار. وركەسترگە قازاقستاننىڭ ەڭبەك سىڭىرگەن قايراتكەرى باقىتجان مۇساقوجاەۆا ديريجەرلىك ەتەدى.

كونتسەرتكە قازاقستاننىڭ ەڭبەك سىڭىرگەن قايراتكەرى بيبىگۇل جانۇزاق (سوپرانو)، حالىقارالىق بايقاۋلاردىڭ لاۋرەاتى ارتۋر عابديەۆ (تەنور) جانە قازاق ۇلتتىق ونەر ۋنيۆەرسيتەتىنىڭ «ۆوكال­دىق ونەر» كافەدراسىنىڭ وقىتۋشىلارى مەن ستۋدەنتتەرى قاتىستى.

كەش بارىسىندا دج. بيزەنىڭ «كارمەن» وپەراسىنا ۋۆەرتيۋرا، دج.ۆەرديدىڭ «ريگولەتتو» وپەراسىنان مانتۋيا گەرتسوگىنىڭ ارياسى، دج.ءپۋچچينيدىڭ «مۇڭ» وپەراسىنان اريا، دج.ءپۋچچينيدىڭ «دجانني سكيككي» وپەراسىنان اريا، دج.ءروسسينيدىڭ «سۇعاناق ساۋىسقان» وپەراسىنىڭ ۋۆەرتيۋراسى سىندى الەمدىك مۋزىكالىق كلاسسيكانىڭ ۇزدىك تۋىندىلارى ۇسىنىلدى.

سوڭعى جاڭالىقتار

ايتىپ كەلگەن اپات

ايماقتار • كەشە

«مىڭ بالا» جەڭىمپازدارى

رۋحانيات • كەشە

اقيقاتتىڭ اي ديدارى – ءباسپاسوز

ەگەمەن قازاقستان • كەشە

ىنتىماقتاستىق ىقپالى

ەكونوميكا • كەشە

جاڭا فورماتتاعى ساۋدا

ەكونوميكا • كەشە

جوتەلگە جەڭىل قاراماڭىز

مەديتسينا • كەشە

بىتىمگەرشىلىك ساردارلارى

قازاقستان • كەشە

جىپ-جىلى جۇرەك بۋىنداي

ادەبيەت • كەشە

داۋىستىڭ دا ءتۇسى بار

ادەبيەت • كەشە

ۇقساس جاڭالىقتار