سونداي-اق زارداپ شەككەن 2 ادام اۋرۋحانانىڭ جانساقتاۋ بولىمىندە جاتىر.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, جول اپاتى 24 قىركۇيەكتە «ستەپنوگور – زاۆودسكوي» جولىندا بولعان.
«انىقتالعانىنداي, زاۆودسكوي باعىتىندا ءجۇرىپ بارا جاتقان «Lada Kalina» كولىگى جولدىڭ قارسى باعىتىنا شىعىپ كەتىپ, «Nissan Teana» كولىگىمەن بەتپە-بەت سوقتىعىسقان. سالدارىنان «Lada Kalina» كولىگى ورتەنىپ, جۇرگىزۋشىسى مەن ەكى جولاۋشىسى كوز جۇمدى. ال, «Nissan Teana» كولىگىنىڭ جۇرگىزۋشىسى مەن جولاۋشىسى ستەپنوگور قالالىق اۋرۋحاناسىنىڭ جانساقتاۋ بولىمىنە جاتقىزىلدى», دەدى ۆەدومستۆودان.
دەپارتامەنتتىڭ ءباسپاسوز قىزمەتىنىڭ اقپاراتىنشا, قازىر بۇل دەرەك قك-ءتىڭ 345-بابىنىڭ 4-بولىگى بويىنشا سوتقا دەيىنگى تەرگەۋدىڭ بىرىڭعاي تىزىلىمىنە الىندى.
