فۋتبول • 24 قىركۇيەك، 2022

«دە بيازي قازاقستان فۋتبولشىلارىن سىيلاۋى كەرەك» – ماگومەد اديەۆ

85 رەت كورسەتىلدى

قازاقستان قۇراماسىنىڭ باس باپكەرى ماگومەد اديەۆ ازeربايجانمەن بولاتىن ماتچ قارساڭىندا ءباسپاسوز ءماسليحاتىنا قاتىسىپ، جۋرناليستەردىڭ سۇراقتارىنا جاۋاپ بەردى، دەپ حابارلايدى Egemen.kz قفف-عا سىلتەمە جاساپ.

ەرتەڭ سىرت الاڭدا فۋتبولدان قازاقستان ۇلتتىق قۇراماسى ۇلتتار ليگاسى اياسىنداعى ءتۋرنيردىڭ كەزەكتى تۋرىندا ازەربايجان كومانداسىمەن كەزدەسەدى. جۋرناليستەر قازاقستان قۇراماسىنىڭ باس باپكەرىنەن جاس ويىنشىلاردىڭ الاڭعا شىعۋ مۇمكىندىگىن سۇرادى. 

– شاتسكيدىڭ وينايتىنىن ناقتى ايتا الامىن. باسقا ويىنشىلارعا كەلەتىن بولساق، العاشقى مينۋتتاردان شىقپاسا دا، بەلگىلى ءبىر مۇمكىندىكتەرى بار. جاتتىعۋدان كەيىن ناقتى شەشىم قابىلدايمىن، - دەدى باپكەر.

سونداي-اق تىلشىلەر تاراپىنان باپكەردىڭ سوڭعى ماتچتان كەيىن «دە بيازي (ازەربايجان قۇراماسىنىڭ باپكەرى) كوپ سويلەمەي ىسپەن اينالىسسىن» دەگەن سوزىنە قاتىستى ساۋالدار بولدى.  

– ول ءباسپاسوز ءماسليحاتىندا «قازاقستانعا ساتتىلىك جولداس بولدى» دەپ ايتتى. باپكەر دەگەن وزگە كوماندانىڭ ويىنىن تالقىلاماۋى كەرەك. مەن تەك ءوز كوماندام جايلى ايتامىن. بىزگە سوزدەن ىسكە كوشكەن دۇرىس. دە بيازي مىرزا قازاقستان فۋتبولشىلارىن سىيلاۋى كەرەك. ال ويىندا قازاقستان بايقاۋسىزدا جەڭىپ كەتتى دەگەن اڭگىمە ورىنسىز. مەن سونى عانا مەڭزەدىم، - دەدى ماگومەد اديەۆ.

ايتا كەتەيىك، ازەربايجان قۇراماسى التى جىلدان بەرى قازاقستاندى جەڭە الماي كەلەدى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار