ەلوردا • 24 قىركۇيەك، 2022

استانادا اۋىلشارۋاشىلىق جارمەڭكەسى ءوتىپ جاتىر

109 رەت كورسەتىلدى

24 قىركۇيەكتە استانادا اتىراۋ جانە باتىس قازاقستان وبلىستارى تاۋار وندىرۋشىلەرىنىڭ ءداستۇرلى اۋىل شارۋاشىلىعى جارمەڭكەسى ءوتىپ جاتىر، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

مۇندا ەكى وبلىس 47-دەن استام تاۋار ءتۇرىن ۇسىندى. 90 توننادان استام سيىر ەتى مەن جىلقى ەتى، 44 توننا بالىق، 17 توننا ۇن مەن ماكارون ونىمدەرى ساتىلىپ جاتىر.

«اتىراۋ وبلىسىنان ءبىز 110 توننا اۋىل شارۋاشىلىعى ءونىمىن، ونىڭ ىشىندە 44 توننا بالىق اكەلدىك. بۇل وتكەن جىلمەن سالىستىرعاندا 8 تونناعا ارتىق. سونداي-اق ەت، كوكونىس پەن جەمىس اكەلدىك. ەلوردا تۇرعىندارىنىڭ كوڭىل كۇيىن كوتەرۋ ءۇشىن كونتسەرتتىك باعدارلاما ۇيىمداستىرىلدى. ءبىزدىڭ ونىمدەرىمىزدىڭ باعاسى نارىقتاعى باعادان 20%-عا تومەن»، دەدى اتىراۋ وبلىسى اۋىل شارۋاشىلىعى باسقارماسى باسشىسىنىڭ ورىنباسارى باعدات رۇستەموۆ.

جارمەڭكەدە ادەتتەگىدەي ادام قاراسى كوپ.ء «وزىمىزدىڭ بالىققا ەشتەڭە جەتپەيدى-اۋ» دەپ سويلەپ بارا جاتقان جىگىت اعاسىن توقتاتىپ، از-كەم اڭگىمەگە تارتتىق. ءوزى دە اڭقىلداعان ازامات ەكەن، ءسوزدى ءوزى باستادى.

«مىنا اۋىل شارۋاشىلىعى جارمەڭكەسى دەگەن جاقسى عوي، – دەدى ءوزىن سەرىكباي ايساعاليەۆ دەپ تانىستىرعان تۇرعىن. – 6 جىل بولدى، وسى استانادا تۇرامىن. اتىراۋ وبلىسىنىڭ تۋماسىمىن. بالامدى ەرتىپ كەلگەنمىن. سوعان ايتىپ جاتقانىم عوي، بالىق ساتىپ الايىق دەپ (كۇلدى). شىركىن، اتىراۋدىڭ بالىعى ءدامدى عوي. ازداپ سيىر ەتىن ساتىپ الىپ، مىنە، اقشام جەتكەنشە بالىق ساتىپ العىم كەلدى. وتباسىمىزبەن بۇل تاعام ءتۇرىن سۇيسىنە جەيمىز (تاعى كۇلدى). بىراق وسى بالام عانا بالىقتى ونشا ۇناتا قويمايدى»،  دەپ شامامەن 6-7 جاستاعى بالاسىنىڭ باسىنان سيپاپ قويدى.  

نارىقتىق باعادان ارزان باعادا ءونىم ۇسىناتىن جارمەڭكەدە 15 توننا كوكونىس، 10 توننا كارتوپ، 10 توننا شۇجىق جانە كونسەرۆى ونىمدەرىنىڭ تۇرلەرى، 5 توننا وسىمدىك مايى، 5 توننا ءسۇت ونىمدەرى، 2 توننا جەمىس-جيدەك، 36 مىڭ جۇمىرتقا، سونداي-اق 21،7 توننا باسقا دا ونىمدەر اكەلىنگەن ەكەن.

وسى تۇستا كوكونىس تاڭداپ جۇرگەن ەرلى-زايىپتى ەلوردالىقتاردى دا سوزگە تارتتىق. 

«جاقىن جەردە تۇراتىن بولعان سوڭ اپتا سايىنعى اۋىل شارۋاشىلىعى جارمەڭكەسىن اسىعا كۇتەمىز. ايتپەسە سۋپەرماركەتتەر مەن دۇكەندەردە باعا ۋداي قىمبات. بۇگىن بىرنەشە ليتر سۇيىقماي مەن كوكونىستەر ساتىپ الىپ جاتىرمىز. كەشكە دوستارىمىز قوناققا كەلەدى، سوعان سالات جاسايمىن»، دەدى زارينا قاسىموۆا.

وسى تۇستا اڭگىمەگە ارالاسقان وتاعاسى ارمان قاسىموۆ، جۋرناليست بولعان سوڭ با، ازىق-ت ۇلىك باعاسىنىڭ كۇننەن-كۇنگە شارىقتاپ بارا جاتقانىن اشىنا جەتكىزدى. ال اۋىل شارۋاشىلىعى جارمەڭكەسىنە كوڭىلى تولاتىنىن، بۇدان دا ءجيى وتكىزىلىپ تۇرۋى كەرەك ەكەنىن جەتكىزدى. 

استانالىقتار ازىق-ت ۇلىكتەن باسقا رۋحاني ازىق تا الدى. قالا اكىمدىگىنىڭ جارمەڭكە قوناقتارى ءۇشىن ارنايى ۇيىمداستىراتىن كونتسەرتتىك باعدارلامانى تاماشالادى.

ەسكە سالا كەتەيىك، اۋىل شارۋاشىلىعى ونىمدەرىنىڭ جارمەڭكەسى ءار سەنبى جانە جەكسەنبىدە تۇران، 48 مەكەنجايىندا ورنالاسقان «استانا-ارەنا» ستاديونىنىڭ جانىنداعى الاڭدا ءوتىپ تۇرادى. 13 قاراشاعا دەيىن سوزىلادى.

الداعى اپتادا بولاتىن جارمەڭكەدە شىعىس قازاقستان جانە اباي وبلىستارىنىڭ كاسىپكەرلەرى ءوز ونىمدەرىن 1-2 قازان كۇندەرى ۇسىنادى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار