سۇيەك وتكىزگىشتىك اپپاراتىن يمپلانتاتسيالاۋ وپەراتسيالارى قازاقستاندا وسى جىلى مەديتسينالىق ساقتاندىرۋ اياسىندا جۇرگىزىلە باستادى.
بۇعان دەيىن №2 كوپبەيىندى قالالىق بالالار اۋرۋحاناسىنىڭ لورحيرۋرگتەرى دە مۇنداي وپەراتسيالار جۇرگىزگەن, بىراق ستاتسيونارعا يمپلانتتار گۋمانيتارلىق كومەك اياسىندا تۇسكەن. وپەراتسيا يننوۆاتسيالىق ەمدەۋ ادىستەرىنە جاتادى جانە جوعارى تەحنولوگيالىق مەديتسينالىق قىزمەت بولىپ سانالادى.
«مۇنداي وپەراتسياعا تۇسەتىن بالالار ساناتىنىڭ ءبىرى – ميكروتيا جانە اترەزياسى بار ناۋقاستار. بۇل ەكى ءتۇرلى دياگنوز, بىراق ولار ىلعي دا بىرگە جۇرەدى. ميكروتيا – بۇل جۇرەكشەنىڭ بولماۋى نەمەسە دامىماۋى. اترەزيادا قۇلاق ارناسى كۇرت تارىلعان نەمەسە مۇلدەم جوق – بۇل تۋا بىتكەن اقاۋ. بۇل وسىنداي دياگنوزى بار بالالاردىڭ انالارى ءۇشىن قيىن جاعداي», دەپ اتاپ ءوتتى №2 كوپبەيىندى قالالىق بالالار اۋرۋحاناسىنىڭ لور بولىمشەسىنىڭ مەڭگەرۋشىسى ارمان ابىلەۆ.
«ەندى ءمامس اياسىندا ءبىز وسىنداي وپەراتسيالاردى تۇراقتى تۇردە جاسايمىز. بۇل وپەراتسيا شامامەن 4 جاستان اسقان كەزدە جاسالادى. وپەراتسيانىڭ ماڭىزى – دىبىس بالانىڭ باس سۇيەگىنە يمپلانتتىڭ ارقاسىندا سۇيەكتەر ارقىلى بەرىلەدى. ءدىرىل پايدا بولادى, ول ىشكى قۇلاققا وتەدى جانە بالا ەستيتىن بولادى», دەپ قوستى لور حيرۋرگى.
ايتا كەتسەك, بالاعا بۇرىن قازاقستاننىڭ جەكە كلينيكالارىنىڭ بىرىندە ۇندىستاندىق دارىگەر وپەراتسيا جاساعان. وپەراتسيا بارىسىندا ەستۋ ارناسىن تابيعي جول ارقىلى اشۋعا تىرىسقان. بىراق مۇنداي جاعدايدا ءبارى ءساتتى بولا بەرمەيدى. الەمدىك تاجىريبەدە مۇنداي وپەراتسيالاردان باس تارتىلىپ جاتىر.
قازىر ناۋقاس وپەراتسيادان كەيىنگى قولداۋ تەراپياسىن الادى. جاقىندا بالا شىعارىلىپ, اتىراۋلىق وتولارينگولوگتاردىڭ باقىلاۋى ءۇشىن ۇيىنە جىبەرىلەدى. شامامەن ءبىر ايدان كەيىن يمپلانتقا سويلەۋ پروتسەسسورى قوسىلادى. ونى ءار بەس جىل سايىن وزگەرتۋ كەرەك, بىراق يمپلانتتىڭ ءوزى قايتا ورناتۋدى قاجەت ەتپەيدى.
