پرەزيدەنت • 20 قىركۇيەك، 2022

ەۋروپالىق كوميسسيا پرەزيدەنتى قازاقستانعا كەلۋى مۇمكىن

78 رەت كورسەتىلدى

مەملەكەت باسشىسى بۇۇ باس اسسامبلەياسى 77-ءشى سەسسياسىنىڭ اياسىندا ەۋروپالىق كوميسسيا پرەزيدەنتى ۋرسۋلا فون دەر ليايەنمەن ەكىجاقتى كەلىسسوز جۇرگىزدى، دەپ حابارلايدى Egemen.kz پرەزيدەنتتىڭ ءباسپاسوز قىزمەتىنە سىلتەمە جاساپ.

تاراپتار قازاقستان مەن ەۋروپالىق وداق اراسىنداعى كەڭەيتىلگەن ستراتەگيالىق ارىپتەستىكتى دامىتۋ پەرسپەكتيۆالارىن تالقىلادى.

قازاقستان پرەزيدەنتىنىڭ 2021 جىلعى قاراشا ايىندا بريۋسسەلگە رەسمي ساپارىنىڭ قورىتىندىسى بويىنشا قول جەتكىزىلگەن ۋاعدالاستىقتاردى ىسكە اسىرۋ بارىسىنا ەرەكشە نازار اۋدارىلدى. اتاپ ايتقاندا، ەنەرگەتيكا جانە كولىك-لوگيستيكا سالالارىندا بىرلەسكەن جوبالاردى جۇزەگە اسىرۋ ماسەلەلەرى قوزعالدى.

مەملەكەت باسشىسى ۋرسۋلا فون دەر ليايەندى ادىلەتتى قازاقستاندى قۇرۋعا باعىتتالعان ەلىمىزدە جۇزەگە اسىرىلىپ جاتقان اۋقىمدى ساياسي جانە ەكونوميكالىق رەفورمالار تۋرالى حاباردار ەتتى.

قاسىم-جومارت توقاەۆ پەن ۋرسۋلا فون دەر ليايەن ستراتەگيالىق سەرىكتەستىكتى ودان ءارى جان-جاقتى نىعايتۋعا دەگەن ءوزارا قارىم-قاتىناستى راستادى.

ەۋروپالىق كوميسسيانىڭ پرەزيدەنتى قاسىم-جومارت توقاەۆتىڭ باسشىلىعىمەن ەلىمىزدە ىسكە اسىرىلىپ جاتقان اۋقىمدى رەفورمالاردى جوعارى باعالادى.

كەزدەسۋ سوڭىندا پرەزيدەنت ۋرسۋلا فون دەر ليايەندى قازاقستانعا رەسمي ساپارمەن كەلۋگە شاقىردى.

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار