2022 جىلدىڭ 7 ايىندا قىتاي قازاقستان رەسپۋبليكاسىمەن ساۋدادا 1-ورىندا (ەاەو-عا مۇشە مەملەكەتتەردى ەسەپكە الماعاندا). سىرتقى تاۋار اينالىمىنداعى قىتايدىڭ ۇلەسى 22,6 %-دى قۇرايدى.
تاۋار اينالىمىنىڭ كولەمى 13,5 ملرد دوللارىن قۇرادى, بۇل 2021 جىلدىڭ سايكەس كەزەڭىمەن سالىستىرعاندا 38,3 %-عا ارتىق, وتكەن جىلى ول 9,7 ملرد دوللارىن قۇراعان.
تاۋار اينالىمىنىڭ كولەمى تاۋارلار ەكسپورتىنىڭ 52 %-عا ءوسۋى ەسەبىنەن ۇلعايدى.
قازاقستاننىڭ قىتايعا ەكسپورتى وسى جىلدىڭ 7 ايىندا 8 ملرد اقش دوللارىن قۇرادى, 2021 جىلعى سايكەس كەزەڭگە قاراعاندا 52 %-عا ءوستى. مىسالى, وتكەن جىلدىڭ 7 ايىندا ەكسپورت 5,3 ملرد دوللارىن قۇراعان.
ەكسپورتتىڭ نەگىزگى ءوسۋى مينەرالدىق ونىمدەردىڭ 84,2 %-عا ۇلعايۋى ەسەبىنەن بايقالادى (2022 جىلدىڭ 7 ايىندا – 5,1 ملرد. اقش دوللارى, 2021 جىلعى 7 ايىندا – 2,8 ملرد. اقش دوللارى), سونىڭ ىشىندە وتىن-ەنەرگەتيكالىق تاۋارلار ەكسپورتى 2,2 ەسەگە ارتتى.
قازاقستاننىڭ قىتايدان يمپورتى 5,5 ملرد اقش دوللارىن قۇرادى, 2021 جىلعى سايكەس كەزەڭمەن سالىستىرعاندا 22,6 %-عا ءوستى. وتكەن جىلدىڭ 7 ايىندا يمپورت 4,5 ملرد اقش دوللارىن قۇرادى.
يمپورتتىڭ نەگىزگى ءوسۋى كەلەسى تاۋار توپتارى بويىنشا بايقالادى:
- ماشينالار, جابدىقتار, كولىك قۇرالدارى, اسپاپتار مەن اپپاراتتار 19,4%-عا ءوستى
- حيميا ونەركاسىبىنىڭ ءونىمى 64,7 %-عا وسكەن
- مەتالدار جانە ولاردان جاسالعان بۇيىمدار 53 %-عا جەتتى.
