ۇلتتىق جوبانى ىسكە اسىرۋ ءىت سەكتورىنداعى ءىجو ۇلەسىن 5%-عا دەيىن جانە قولدانبالى عىلىمي زەرتتەۋلەردى جەكەمەنشىك بىرلەسىپ قارجىلاندىرۋدا جەكە سەكتوردىڭ ۇلەسىن كەمىندە 50%-عا ارتتىرۋى ءتيىس. «وتباسىنىڭ تسيفرلىق كارتاسى» پيلوتتىق جوباسىن جۇزەگە اسىرۋ اتاۋلى الەۋمەتتىك كومەك الۋعا مۇقتاجدىق تۋى مۇمكىن 480 مىڭنان استام وتباسىن جانە زەينەتاقى تولەمدەرى مەن جاردەماقى الىپ وتىرعان 100 مىڭعا جۋىق ازاماتتى قامتۋعا مۇمكىندىك بەردى. جوبانى بيىلعى جىلدىڭ سوڭىنا دەيىن پايدالانۋعا بەرۋ جوسپارلانعان.
جىل سوڭىنا دەيىن «الەۋمەتتىك ءاميان» جۇيەسىن ىسكە قوسۋ جوسپارلانۋدا.
جەر قويناۋىن پايدالانۋ سالاسىنىڭ تارتىمدىلىعىن ارتتىرۋ ماقساتىندا «Kaznedra» پلاتفورماسىن ەنگىزىلەدى. بۇل ينۆەستورلارعا ناقتى ۋاقىت رەجيمىندە مينەرالدىق رەسۋرستاردىڭ دەرەكتەر بانكىنە ەركىن قول جەتكىزۋگە مۇمكىندىك بەرەدى.
ء«بىز زەرتتەۋ جۇرگىزۋىمىز كەرەك دەپ, عىلىمي زەرتتەۋ جۇمىستارىن كوبەيتە بەرمەۋىمىز كەرەك. ەڭ الدىمەن, ولاردىڭ ناتيجەلىلىگى مەن ەكونوميكانىڭ ءتۇرلى سەكتورلارىندا قولدانىلۋىن ارتتىرۋ – ماڭىزدى مىندەت. سوڭعى جىلدارى عىلىم تۋرالى زاڭناماعا ءبىرشاما وزگەرىس ەنگىزىلدى جانە ونى قارجىلاندىرۋ ەكى ەسەگە جۋىق ءوستى. بىزگە جۇمسالعان قاراجاتتىڭ ءتيىمدى قايتارىمى قاجەت. وتاندىق يندۋستريا, عىلىمي قوعامداستىق, ۋنيۆەرسيتەتتەر مەن بيزنەس بارىنشا ءوزارا تىعىز بايلانىس ورناتۋى قاجەت. عىلىمي جەتىستىكتەر وندىرىسكە ەنگىزىلىپ, حالىققا ناقتى پايدا اكەلۋى ءتيىس», دەدى ءاليحان سمايىلوۆ.
پرەمەر-مينيستر جوبا اياسىندا بىرقاتار باعىت بويىنشا بۇرىن بەلگىلەنگەن جوسپارلار مەن كەيبىر كورسەتكىشتەردىڭ ورىندالماي قالعانىن اتاپ ءوتتى.
پاتسيەنتتەردىڭ دەنساۋلىق جاعدايىن ۇزدىكسىز باقىلاۋ جانە پرواكتيۆتى مەديتسينالىق قىزمەت كورسەتۋ ءۇشىن eHealth بىرىڭعاي ەكوجۇيەسىن ازىرلەۋ جۇمىستارى ۋاقىتىلى جۇرگىزىلمەگەن.
«تسيفرلىق اگروكاسىپورىن» جانە «تسيفرلىق كارەر» جوبالارىن ىسكە اسىرۋ بارىسىندا دا سۇراقتار كوپ.
جەر مەن جىلجىمايتىن م ۇلىكتىڭ مەملەكەتتىك كاداسترىن اۆتوماتتاندىرۋ جانە ورتالىقتاندىرۋ ءراسىمى اياقتالماعان.
«جالپى ينتەرنەت-قىزمەتتەردىڭ ساپاسىنا قاتىستى سۇراقتار بار. الىستاعى ەلدى مەكەندەردى ايتپاعاندا, ءبىزدىڭ ءىرى قالالارىمىزدا ينتەرنەت بايلانىستىڭ ساپاسى بارلىق جەردە بىردەي جاقسى ەمەس. حالىقتان ءتۇسىپ جاتقان شاعىم كوپ. ەگەر ينتەرنەت بايلانىس جاقسى بولماسا, تسيفرلىق پلاتفورمالاردىڭ جانە اقپاراتتىق جۇيەلەردىڭ پايداسى جوق. تسيفرلىق دامۋ مينيسترلىگى بۇل ماسەلەنى ەرەكشە باقىلاۋدا ۇستاۋ كەرەك», دەدى ۇكىمەت باسشىسى.
