ەكولوگيا, گەولوگيا جانە تابيعي رەسۋرستار مينيسترلىگىنىڭ بۇيرىعىمەن 2022 جىلعى 7 قىركۇيەكتەن باستاپ اباي وبلىسى بويىنشا ەكولوگيا دەپارتامەنتىنىڭ باسشىسى سەرىك ابدۋللا ۇلى سارباسوۆ تاعايىندالدى.
سەرىك ابدۋللا ۇلى وڭتۇستىك قازاقستان وبلىسىندا 1987 جىلى 3 قاڭتاردا دۇنيەگە كەلگەن.
2008 جىلى ق.ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتىن «بيولوگيا» ماماندىعى بويىنشا ءبىتىردى. 2013 جىلى قازاقستان ينجەنەرلى-پەداگوگيكالىق حالىقتار دوستىعى ۋنيۆەرسيتەتىن «ەكونوميكا» ماماندىعى بويىنشا تامامداعان.
ەڭبەك جولىن 2008 جىلى قر قورشاعان ورتا قورعاۋ مينيسترلىگى ەكولوگيالىق رەتتەۋ جانە باقىلاۋ كوميتەتىنىڭ شۋ-تالاس ەكولوگيا دەپارتامەنتىنىڭ وڭتۇستىك قازاقستان وبلىستىق فيليالىندا زەرتحاناشى بولىپ باستاعان.
2011-2019 جىلدار ارالىعىندا ەكولوگيا, گەولوگيا جəنە تابيعي رەسۋرستار مينيسترلىگى ەكولوگيالىق رەتتەۋ جانە باقىلاۋ كوميتەتىنىڭ وڭتۇستىك قازاقستان, الماتى, پاۆلودار وبلىستارىنىڭ ەكولوگيا دەپارتامەنتتەرىندە باس مامان قىزمەتىن اتقارعان.
2019 جىلى شىمكەنت قالاسى بويىنشا ەكولوگيا دەپارتامەنتىنىڭ مەملەكەتتىك ەكولوگيالىق باقىلاۋ ءبولىمىنىڭ باسشىسى - اعا مەملەكەتتىك ەكولوگيالىق ينسپەكتورى لاۋازىمىندا قىزمەت اتقاردى.
2021 جىلى الماتى وبلىسى بويىنشا ەكولوگيا دەپارتامەنتى باسشىسى ورىنباسارى – باس مەملەكەتتىك ەكولوگيالىق ينسپەكتورى قىزمەتىن اتقارعان.
2022 جىلدىڭ 7 قىركۇيەگىنەن باستاپ اباي وبلىسى بويىنشا ەكولوگيا دەپارتامەنتى باسشىسى قىزمەتىنە تاعايىندالدى.
سونىمەن قاتار, ەكولوگيا, گەولوگيا جانە تابيعي رەسۋرستار مينيسترلىگىنىڭ بۇيرىعىمەن جامبىل وبلىسى بويىنشا ەكولوگيا دەپارتامەنتىنىڭ جاڭا باسشىسى بولىپ ارسەن حاسەن ۇلى لاتىپوۆ تاعايىندالدى.
ارسەن حاسەن ۇلى سولتۇستىك قازاقستان وبلىسىندا 1986 جىلى 2 جەلتوقساندا دۇنيەگە كەلگەن.
2008 جىلى ل. ن. گۋميلەۆ اتىنداعى ەۆرازيالىق ۇلتتىق ۋنيۆەرسيتەتىن «ستاندارتتاۋ, مەترولوگيا جانە سەرتيفيكاتتاۋ» ماماندىعىمەن ءبىتىردى. 2011 جىلى ل. ن. گۋميلەۆ اتىنداعى ەۆرازيالىق ۇلتتىق ۋنيۆەرسيتەتىڭ «ەكولوگيا» ماگيسترى اتانىپ, 2014 جىلى قازتۇتىنۋوداعى قاراعاندى ەكونوميكالىق ۋنيۆەرسيتەتىن «ەكونوميكا» ماماندىعى بويىنشا تامامداعان.
ەڭبەك جولىن 2008 جىلى «قازاقستان مەترولوگيا ينستيتۋتى» رمك, عىلىمي زەرتتەۋلەر جانە اقپاراتتىق قىزمەت كورسەتۋ زەرتحاناسىنىڭ I ساناتتاعى مامانى بولىپ باستاعان.
2019 جىلى ەكولوگيا, گەولوگيا جəنە تابيعي رەسۋرستار مينيسترلىگى ەكولوگيالىق رەتتەۋ جانە باقىلاۋ كوميتەتى ليتسەنزيالاۋ باسقارماسىنىڭ باس ساراپشىسى, ەكولوگيالىق ساياسات جانە تۇراقتى دامۋ دەپارتامەنتى ەكولوگيالىق مونيتورينگ باسقارماسىنىڭ باسقارما باسشىسى, 2020 جىلى جامبىل وبلىسى بويىنشا ەكولوگيا دەپارتامەنتى باسشىسىنىڭ ورىنباسارى - جامبىل وبلىسى بويىنشا باس مەملەكەتتىك ەكولوگيالىق ينسپەكتورى لاۋازىمدارىندا قىزمەت اتقاردى.
2022 جىلدىڭ 9 قىركۇيەگىنەن باستاپ بۇگىنگى كۇنگە دەيىن جامبىل وبلىسى بويىنشا ەكولوگيا دەپارتامەنتى باسشىسىنىڭ ورىنباسارى قىزمەتىن اتقارىپ كەلەدى.
