ەسىرتكى ساتۋشىلار Telegram جەلىسىندەگى ينتەرنەت-دۇكەندى پايدالانعان.
كەشەندى جەدەل-ىزدەستىرۋ شارالارى بارىسىندا ءدىني دەسترۋكتيۆتى اعىمدى ۇستانعان ەرلى-زايىپتىلار ۇستالدى.
«22 جاستاعى جىگىت قىلمىستىق ارەكەتتى ۇيىمداستىرۋشى بولىپ, ءبىر مەزگىلدە پاۆلودار وبلىسى مەن الماتى قالاسىندا ەسىرتكى زاتتارى ساتىلعان ينتەرنەت-دۇكەننىڭ اكىمشىسى جانە وپەراتورى قىزمەتىن اتقارعانى انىقتالدى. ونىڭ 19 جاستاعى ايەلى لومباردتار مەن وبلىسارالىق كۋرەرلەردىڭ قىزمەتىن قاداعالاپ وتىرعان», دەدى پاۆلودار وبلىستىق ءىىد باستىعى ۆاسيلي سكليار.
جەدەل-ىزدەستىرۋ ءىس-شارالارى بارىسىندا پوليتسەيلەر جالپى سالماعى 6,7 كەلىدەن استام ءۇندى قاراسورا, تىيىم سالىنعان زاتتاردى قاپتاۋعا ارنالعان پوليەتيلەن پاكەتتەر, ەلەكتر لەنتاسى, تارازى جانە كالكۋلياتور تاركىلەدى.
قازىرگى ۋاقىتتا سوتتالۋشىلارعا قاتىستى قر قىلمىستىق كودەكسىنىڭ 297-بابىنىڭ 1,3-بولىگىمەن قاراستىرىلعان قىلمىس بەلگىلەرى بويىنشا قىلمىستىق ىستەر قوزعالدى.
كۇدىكتىگە قاماۋعا الۋ تۇرىندەگى بۇلتارتپاۋ شاراسى تاڭدالدى.
