جۇمىس ساپارى اياسىندا سەرىك جۇمانعارين فەرمەرلەرمەن كەزدەسىپ, اۋىل شارۋاشىلىعى ونىمدەرىن ءوندىرۋدىڭ وزەكتى ماسەلەلەرىن پىسىقتادى.
ماسەلەن, 20 مىڭ قۇس وسىرەتىن 12 فەرماسى بار «ECO-CHICKEN» اكك جىلىنا 200-210 توننا تاۋىق ەتىن وندىرەدى. مۇنىڭ ءبارىن 12 ادام قامتاماسىز ەتەدى. بۇگىندە كاسىپورىن شاعىن قۇس فەرمالارىن سالۋ جوباسىن ازىرلەپ, كووپەراتيۆكە بىرىكتىردى. ءاربىر شاعىن فەرما 1600 برويلەرگە ەسەپتەلگەن جانە جىلىنا 3,8 ملن تەڭگەدەن تازا پايدا الۋعا مۇمكىندىك بەرەدى.
فەرمەرلەردىڭ ايتۋىنشا, بيىل قازاقستاندىق پيازدىڭ تورتتەن ءۇش بولىگى وسىرىلەتىن جامبىل وبلىسىندا وسى داقىلدىڭ ءونىمى ويداعىداي بولادى دەپ كۇتىلۋدە. «سامعاۋ» شارۋا قوجالىعى 4500 توننا پياز جيناۋدى جوسپارلاپ وتىر, بۇل وتكەن جىلمەن سالىستىرعاندا جارتى تونناعا كوپ. اۋىل شارۋاشىلىعى جەرلەرىنىڭ الاڭى 470 گەكتاردان اسادى. مۇندا 12 ادام جۇمىسپەن قامتىلعان.
كەزدەسۋ بارىسىندا سەرىك جۇمانعارين ۇكىمەت اگرارلىق وندىرۋشىلەردى قولداۋ ءۇشىن ەنگىزىپ جاتقان جاڭا تاسىلدەر تۋرالى ايتىپ بەردى. قولدا بار اينالىم قاراجاتى شەڭبەرىندە نەگىزگى الەۋمەتتىك ماڭىزى بار ازىق-ت ۇلىك ونىمدەرىن, اتاپ ايتقاندا كوكونىستەر, ءسۇت ونىمدەرى, كۇرىش, ۇن, الەۋمەتتىك نان, جۇمىرتقا, قاراقۇمىق, تۇز, سيىر ەتى, تاۋىق ەتى, كۇنباعىس مايى جانە قانت وندىرۋشىلەردى قارجىلاندىرۋ سحەمالارى قايتا قارالىپ جاتىر.
«سامعاۋ» شارۋا قوجالىعىنىڭ باسشىسى ەۆگەني ترۋبنيكوۆ ونىمدەر باعاسىن تۇراقتاندىرۋدىڭ نەگىزگى ماسەلەسى اينالىم قاراجاتىنىڭ جەتىسپەۋشىلىگى ەكەنىن ايتتى.
ساۋدا جانە ينتەگراتسيا ءمينيسترى سەرىك جۇمانعارين ءونىمدى قازاقستاننىڭ باتىس وڭىرىنە كوكونىس قويمالارىندا ساقتاۋ جانە باتىس وبلىستاردىڭ نارىقتارىندا وتكىزۋ ءۇشىن جەتكىزۋ مۇمكىندىگىن قاراستىرۋدى ۇسىندى.
بۇل ماسەلەنى ساۋدا جانە ينتەگراتسيا مينيسترلىگىنىڭ ساۋدا كوميتەتى قاراستىرادى.
سونىمەن قاتار تۇرعىندار ءسۇت باعاسىنا, قۇرال-سايماندار باعاسىنىڭ وسۋىنە قاتىستى جانە تاعى باسقا سۇراقتار قويدى.
ءىسساپار بارىسىندا سەرىك جۇمانعارين جاسىل جەلەك پەن بالىق وسىرۋگە ماماندانعان Greenwill جىلىجايىنا بارىپ, جۇمىسىمەن تانىستى. وڭتۇستىك كورەيانىڭ بىرەگەي تەحنولوگياسى تىڭايتقىش رەتىندە بالىق قالدىقتارى قولدانىلاتىن ورگانيكالىق ءونىم, كوك ءشوپ وسىرۋگە مۇمكىندىك بەرەدى.
ساپار سوڭىندا ۆيتسە-پرەمەر ەت ونىمدەرىن وندىرۋمەن جانە قايتا وڭدەۋمەن اينالىساتىن جانە 20-دان استام ادامدى جۇمىسپەن قامتاماسىز ەتىپ وتىرعان «پەرۆومايسكيە دەليكاتەسى» جشس كاسىپورنىنىڭ جۇمىسىمەن دە تانىستى.
