اكىمنىڭ ايتۋىنشا, الداعى ءۇش جىلدا مەگاپوليستى دامىتۋ باعدارلاماسىن جۇزەگە اسىرۋعا 1,3 تريلليون تەڭگە, ال قالعان 2 تريلليون تەڭگەدەن استام قارجى 2030 جىلعا دەيىنگى ورتا مەرزىمدى پەرسپەكتيۆاعا تارتۋ جوسپارلانىپ وتىر.
ول دامۋ باعدارلاماسى 7 نەگىزگى ماقساتقا نەگىزدەلگەنىن ايتتى: «جايلى قالالىق ورتا», «تۇراقتى ەكونوميكالىق ءوسۋ», «باقىلاناتىن ۋربانيزاتسيا», «الەۋمەتتىك ورنىقتىلىق جانە تۇراقتىلىق», «جاسىل الماتى», «اقىلدى قالا» جانە «قاۋىپسىز قالا».
«بۇل – قالالاردىڭ جايلىلىق دەڭگەيىنىڭ ينتەگرالدى يندەكسى, مۇندا تۇرعىنداردىڭ وزدەرى قالاداعى ءومىر ءسۇرۋ جايلىلىعىن 30-دان استام كورسەتكىش بويىنشا باعالايدى. ءبىز الماتىنى وسى يندەكستەن ءومىر ءسۇرۋ جاعدايلارى جايلى مەگاپوليس رەتىندە, بۇكىل الەمنىڭ وزىق تەحنولوگيالارى, يننوۆاتسيالارى مەن ساپالى ادامي كاپيتال ءۇشىن تارتىلىس نۇكتەسى رەتىندە كورگىمىز كەلەدى», دەدى دوساەۆ الماتى قالاسى ءماسليحاتىنىڭ دەپۋتاتتارىمەن كەزدەسۋىندە
