اتالعان ءىس-شاراعا قازاقستان ەلشىسى ەركەبۇلان ساپيەۆ, پامۋككالە ۋنيۆەرسيتەتىنىڭ وقىتۋشىسى پروفەسسور, عىلىم دوكتورى نەرگيس بيراي, ەۋرازيا جازۋشىلار وداعىنىڭ توراعاسى, عىلىم دوكتورى ياكۋپ ومەروعلۋ, انكارا حاجى بايرام ۆەلي ۋنيۆەرسيتەتىنىڭ وقىتۋشىسى پروفەسسور, عىلىم دوكتورى گۇلجانات قۇرمانعاليەۆا-ەرجيلاسۋن, حادجەتتەپە ۋنيۆەرسيتەتىنىڭ وقىتۋشىسى, پروفەسسور, عىلىم دوكتورى وزكۇل چوبانوعلۋ, زيالى قاۋىم, باق وكىلدەرى جانە قازاق-تۇرىك ستۋدەنتتەرى قاتىستى.
ەلشى ءوز سوزىندە ا.بايتۇرسىن ۇلى XX عاسىر باسىنداعى قازاق زيالىلارىنىڭ كورنەكتى وكىلى, قازاقتىڭ ءالىپبيىن قولدانىسقا ەنگىزىپ قازاق ءتىلىنىڭ اياسىن كەڭەيتكەنىن جانە قازاق حالقىنىڭ تاۋەلسىزدىككە قول جەتكىزىپ, سول كەزدەگى دامىعان ەلدەرمەن تەرەزەسى تەڭ بولۋى ءۇشىن جۇرگىزگەن كۇرەسى مەن ەڭبەكتەرىنە توقتالىپ ءوتتى.
گ. قۇرمانعاليەۆا-ەرجيلاسۋن ءوزىنىڭ بايانداماسىندا احمەت بايتۇرسىن ۇلىنىڭ ءومىرى, عىلىمي ەڭبەكتەرى, قازاق عىلىمىنا قوسقان وراسان زور ۇلەسى جايىندا بايانداما جاسادى.
ن. بيراي احمەت بايتۇرسىن ۇلىنىڭ قازاق ءتىلىنىڭ ءالىپبيى, ونىڭ وقىتىلۋى, ءتىل جونىندەگى پىكىرلەرى, قازاق تەرمينولوگياسى جانە قازاق ادەبيەتىنىڭ وقىتۋ ماسەلەلەرى تۋرالى زەرتتەگەن عىلىمي جۇمىستارىنا كەڭىنەن توقتالىپ ءوتتى.
ءوز سوزىندە يا.ومەروعلۋ بيىلعى «كاردەش كالەملەر» جۋرنالىنىڭ قىركۇيەكتەگى ارنايى سانى احمەت بايتۇرسىن ۇلىنا ارنالىپ وتىرعانىن حابارلادى. جۋرنالدا ۇلت ۇستازىنىڭ عىلىمي مۇرالارى مەن ماقالالارى, سونداي-اق ءار جىلدارى تابىلعان قولجازبالارى مەن تۇتىنعان جادىگەرلەرىنىڭ سۋرەتتەر جاريالانعان.
عىلىم دوكتورى ءو. چوبانوعلۋ احمەت بايتۇرسىن ۇلى اراب ءالىپبيىن قازاق تىلىنە بەيىمدەپ شىعارعانىن جانە بۇل كىتاپ سول كەزدەگى قازاق حالقىنىڭ اعارتۋ ىسىنە قوسقان ەرەكشە ۇلەسى ەكەنىن باياندادى.
كونفەرەنتسيانىڭ اياعىندا تۇركيا ۋنيۆەرسيتەتتەرىندە ءبىلىم الىپ جۇرگەن ستۋدەنتتەر مەن دوكتورانتتار ا. بايتۇرسىن ۇلىنىڭ ولەڭدەرى مەن شىعارمالارىن وقىپ, كورەرمەندەردىڭ ىستىق ىقىلاسىنا بولەندى.
