ۆەدومستۆودا اتاپ وتىلگەندەي, جاڭا ۆيزالار مەملەكەت باسشىسى قاسىم-جومارت توقاەۆتىڭ 1 قىركۇيەكتەگى قازاقستان حالقىنا جولداۋىن ىسكە اسىرۋ اياسىندا پايدا بولادى. وندا ەلدىڭ كوشى-قون ساياساتىنىڭ تيىمدىلىگىن ارتتىرۋ بويىنشا جاڭا شارالار پاكەتى ۇسىنىلعان.
«كوشى-قون ساياساتىنىڭ الداعى 5 جىلعا ارنالعان جاڭا تۇجىرىمداماسى شەڭبەرىندە رەسپۋبليكادا شەتەلدىكتەر ءۇشىن ەرەكشە جاعدايلاردى كوزدەيتىن باعالى داعدىلار مەن ينۆەستيتسيالىق ۆيزالار ءۇشىن ارنايى ۆيزالار ەنگىزۋ كوزدەلەدى», دەلىنگەن ۆەدومستۆو حابارلاماسىندا.
اتاپ ايتقاندا, قازاقستانعا ۇزدىك شەتەلدىك مامانداردى تارتۋ تەتىگىن ازىرلەۋ جوسپارلانۋدا. وسىلايشا, 100 ۇزدىك شەتەلدىك مامان وندىرىستە جۇمىس ىستەيتىن قازاقستاندىقتاردى دايارلايدى.
مۇنداي ماماندار ءۇشىن «باعالى داعدىلارعا ارنالعان ۆيزا» ەنگىزىلەدى جانە قازاقستاندىق كادرلاردى وزىق دايارلاۋ ءۇشىن ۇنەمى جاڭارتىلىپ وتىراتىن باعالى داعدىلار رەيتينگى قالىپتاستىرىلادى.
سونداي-اق مەملەكەت باسشىسىنىڭ تاپسىرماسىن ىسكە اسىرۋ اياسىندا جاڭا تۇجىرىمداما جوباسىندا بيزنەس-يمميگراتسيا تاسىلدەرى وزگەرتىلەدى.
«ەىدۇ ەلدەرىنىڭ تاجىريبەسىن نەگىزگە الا وتىرىپ, قازاقستان ەكونوميكاسىنا ءبىر مەزگىلدە 300 مىڭ اقش دوللارىن ينۆەستيتسيالاعان شەتەلدىك بيزنەسمەندەر ءۇشىن ينۆەستيتسيالىق جانە ىسكەرلىك ۆيزالار الۋ شارتتارىن قايتا قاراۋ ۇسىنىلادى. «ينۆەستيتسيالىق ۆيزا» 10 جىلدىق تۇرۋعا رۇقسات بەرەدى. ۆيزا يەسى بيزنەستى تىركەۋگە, م ۇلىككە يەلىك ەتۋگە, قارجىلىق وپەراتسيالاردى جۇرگىزۋگە مۇمكىندىك الادى», دەيدى ۆەدومستۆو وكىلدەرى.
وسىلايشا, قازاقستانعا جىلىنا 100-گە دەيىن بيزنەسمەن-ينۆەستور تارتىلادى دەپ كۇتىلۋدە.
سونداي-اق ءبىلىم بەرۋ يمميگراتسياسىن دامىتۋ ماقساتىندا تۇجىرىمدامادا كەلەسى شارالار كوزدەلەدى:
- شەتەلدىك جەتەكشى ءبىلىم بەرۋ مەكەمەلەرىن اكادەميالىق ۇتقىرلىق باعدارلاماسىنا تارتۋ جانە قوس ديپلومدى ءبىلىم بەرۋ پراكتيكاسىن ودان ءارى دامىتۋ ارقىلى ەلدىك ءبىلىم بەرۋ ينفراقۇرىلىمىن كەڭەيتۋ;
- سۇرانىسقا يە ماماندىقتار بويىنشا 100 ۇزدىك وقىتۋشىنى جانە سۇرانىسقا يە تەحنولوگيالار بويىنشا عالىمداردى تارتۋ. بۇل رەتتە شەتەلدىك عالىمدار مەن وقىتۋشىلار ءۇشىن تۇرۋعا ىقتيارحات, ال كەيىننەن قازاقستان ازاماتتىعىن الۋ قۇقىعىن بەرە وتىرىپ, ۇزاق مەرزىمدى (10 جىلعا دەيىن) «عىلىمي-پەداگوگيكالىق ۆيزالار» كوزدەلەدى.
«وسى ستراتەگيالىق مىندەتتى ىسكە اسىرۋ ەلىمىزدىڭ جوعارى مەكتەپ پەن عىلىمنىڭ بەدەلىن, ازاماتتارىمىزدىڭ زياتكەرلىك جانە شىعارماشىلىق الەۋەتىن ارتتىرۋعا جانە سايىپ كەلگەندە رەسپۋبليكامىزداعى ادامي كاپيتالدىڭ يننوۆاتسيالىق دامۋى ءۇشىن جاعداي جاساۋعا مۇمكىندىك بەرەدى», دەلىنگەن حابارلامادا.
