ال بۇل يگى ءىستىڭ بەل ورتاسىنان تابىلىپ, بەلسەندىلىگىمەن كوزگە تۇسكەن «جاستار رۋحى» قاراعاندى وبلىستىق فيليالىنىڭ ورەندەرى بولدى. ۇيىم توراعاسى ەرجان حاميتوۆ بەكەتتەر اشىلعان بەتتە, العاشقى كومەكتىڭ كەلىپ جەتكەنىن ايتادى.
ء«بىز تاڭعى ساعات 9.00-دە قابىلداۋ پۋنكتتەرىن اشتىق, ال 10.00-دە العاشقى كومەك كەلىپ ءتۇستى. ارميان دياسپوراسىنىڭ وكىلدەرى ارنايى قۇرىلعان ەسەپشوتقا ميلليون تەڭگە اۋداردى. قازاقستاننىڭ ەڭبەك سىڭىرگەن قايراتكەرى, Amanat پارتياسىنىڭ بەلسەندىسى مەرۋەش باشاي زارداپ شەككەن قوستانايلىقتارعا كيىم الىپ بەرۋگە 500 مىڭ تەڭگە بەردى. ءبىزدىڭ وبلىستا قايىرىمدى تۇرعىندار وتە كوپ. ادامدار قاجەتتى زاتتاردى اكەلىپ جاتىر, اقشا اۋدارىپ, قولدارىنان كەلگەن كومەكتەن ايانىپ جاتقان جوق», دەيدى ول.
وسى ورايدا اعىلىپ كەلىپ جاتقان اقشالاي, زاتتاي كومەكتى قابىلداپ الۋدىڭ, ولاردى سۇرىپتاۋدىڭ ءوزى وڭاي شارۋا ەمەس ەكەنىن ايتا كەتكەن ءجون. سول سەبەپتى «جاستار رۋحى» جاستار قاناتىنىڭ ەرىكتىلەرى قاتارىنان 30-عا جۋىق ادامنان تۇراتىن توپ قۇرىلدى. ولار ازىق-ت ۇلىك پەن قاجەتتى زاتتاردى ساتىپ الۋمەن جانە باسقا دا قاربالاس شارۋالارمەن اينالىسۋدا.
ال كەشە وبلىستىڭ بارلىق وڭىرلەردەن جينالعان كومەك قاراعاندىعا جەتكىزىلىپ, زاتتار Amanat پارتياسىنىڭ وبلىستىق فيليالى ورنالاسقان عيماراتتا سۇرىپتالدى. سودان كەيىن گۋمانيتارلىق كومەك جۇك كولىكتەرىنە تيەلىپ, قوستاناي وبلىسىنا جونەلتىلدى.
«قوستانايعا – كومەك!» اتتى اكتسيانى ۇيىمداستىرعان Amanat پارتياسىنىڭ قاراعاندى وبلىستىق فيليالى ەكەنىن جوعارىدا ايتتىق. بولىمشەنىڭ اتقارۋشى حاتشىسى بەكزات التىنبەكوۆتىڭ بۇل قايىرىمدىلىق ءىس-شاراسىنا قاراعاندىلىق كاسىپكەرلەردىڭ, قايىرىمدى جانداردىڭ بەلسەنە ات سالىسقانىن ريزاشىلىقپەن اتاپ ءوتتى.
«قىسقا عانا ۋاقىت ىشىندە 10 توننادان استام ازىق-ت ۇلىك جينالدى. كيىم-كەشەك, باسقا دا اسا قاجەتتى تۇرمىستىق زاتتار ءوز الدىنا تاۋ بولىپ ءۇيىلدى. اسىرەسە بۇل ىستە بەلگىلى كاسىپكەرلەر ءانۋار وسين, الەكساندر, كۋپريەنكو, ارتۋر نوۆوسارديان جانە مەرۋەش باشاي سياقتى باسقا دا ازاماتتار كوزگە ءتۇستى. سونىمەن قاتار ءىرى كاسىپكەر, «شانس» شارۋا قوجالىعىنىڭ باسشىسى يگور جابياك 15 توننا كارتوپ ءبولىپ, جومارتتىق تانىتتى», دەيدى ب.التىنبەكوۆ.
قاراعاندى وبلىسى
