The Times باسىلىمى اقش پەن يزرايل بارلاۋ قىزمەتتەرىنىڭ مالىمەتتەرىنە نەگىزدەلىپ, پارسى شىعاناعىنداعى وداقتاستارعا بەرىلگەن ديپلوماتيالىق جازبانى زەرتتەگەن.
جازبادا قوم قالاسىندا ەمدەلىپ جاتقان مودجتابا حامەنەي دەنساۋلىعىنا بايلانىستى ەلدەگى ساياسي شەشىمدەر قابىلداۋ ۇدەرىسىنە قاتىسا المايتىنى ايتىلعان. سونداي-اق قۇجاتتا ونىڭ ناقتى قاي جەردە ەكەنى العاش رەت اشىق كورسەتىلگەن.
يران پارسى شىعاناعىنداعى ەلدەرگە قايتا سوققى جاسادى
ايتا كەتەيىك, قوم قالاسى تەگەراننان شامامەن 130 شاقىرىم وڭتۇستىكتە ورنالاسقان.
اقش پەن يران اراسىنداعى قاقتىعىس: تاراپتار 45 كۇندىك بىتىمگە كەلۋى مۇمكىن
بۇعان دەيىن, 13 ناۋرىزدا اقش قورعانىس ءمينيسترى پيت حەگسەت مودجتابا حامەنەي جاراقات الىپ, ءتىپتى بەت-ءجۇزى زاقىمدانۋى مۇمكىن ەكەنىن مالىمدەگەن بولاتىن. ال CNN تەلەارناسى ءوز دەرەككوزىنە سىلتەمە جاساپ, العاشقى اۋە سوققىلارى كەزىندە ونىڭ اياعى سىنعانىن, كوزىنىڭ استى كوگەرگەنىن جانە ءتۇرلى جاراقاتتار العانىن حابارلادى.
الايدا بۇل مالىمەتتەر رەسمي تۇردە راستالعان جوق.
