فوتو: اشىق دەرەككوز
جوبا بارىسى ۇكىمەت وتىرىسىندا قارالىپ, ماڭعىستاۋ وبلىسىنىڭ اكىمى نۇرداۋلەت قيلىباي قۇرىلىس قارقىنى تۋرالى ەسەپ بەردى.
اكىمنىڭ ايتۋىنشا, اۋەجايدىڭ جالپى قۇنى 56,9 ملرد تەڭگەنى قۇرايدى, ونىڭ 19,9 ملرد تەڭگەسى يگەرىلگەن. قازىرگى تاڭدا قۇرىلىس الاڭىندا 215 جۇمىسشى جانە 122 بىرلىك ارنايى تەحنيكا تاۋلىك بويى جۇمىس ىستەپ جاتىر. جوبانىڭ ورىندالۋ دەڭگەيى 32%-عا جەتكەن.
«بەكىتىلگەن كەستەگە سايكەس اۋەجايدى ىسكە قوسۋ وسى جىلدىڭ IV توقسانىنا جوسپارلانعان», دەدى نۇرداۋلەت قيلىباي.
قازاقستان اۋەجايلارىندا جولاۋشىلاردى بەت-الپەت ارقىلى تىركەۋ ەنگىزىلەدى
ونىڭ مالىمەتىنشە, ءبىرىنشى كەزەڭدە ۇزىندىعى 2 200 مەترلىك ۇشۋ-قونۋ جولاعى سالىنىپ جاتىر. بۇل جولاق Q-400, ATR جانە CRJ ءتيپتى اۋە كەمەلەرىن قابىلداۋعا مۇمكىندىك بەرەدى. كەيىنگى كەزەڭدەردە ينفراقۇرىلىم كەڭەيتىلىپ, Airbus A320 جانە Boeing 737 سياقتى ءىرى لاينەرلەردى قابىلداۋ مۇمكىندىگى قامتاماسىز ەتىلەدى.
جوبا تولىق ىسكە قوسىلعاندا حالىقارالىق جانە ىشكى باعىتتاردى قوسا العاندا 9 جاڭا اۆياباعىت اشۋ جوسپارلانىپ وتىر. بۇل شەشىم ءوڭىردىڭ كولىك بايلانىسىن كۇشەيتىپ, كەندىرلى كۋرورتتىق ايماعىنىڭ تۋريستىك تارتىمدىلىعىن ارتتىرۋعا ىقپال ەتپەك.
قوسشى, قاراعاندى الدە پاۆلودار: استانانىڭ ەكىنشى اۋەجايى قاي باعىتتا سالىنۋى مۇمكىن؟
