فوتو: اشىق دەرەككوز
جاڭا نورما بويىنشا مەملەكەتتىك نومىرلەردى مەملەكەتتىك ورگاندارعا, ديپلوماتيالىق وكىلدىكتەرگە, سونداي-اق كولىك يەسىنىڭ جاقىن تۋىستارى مەن مۇراگەرلەرىنە راسىمدەۋگە بولادى. جاقىن تۋىستار قاتارىنا اتا-انالار, بالالار, ەرلى-زايىپتىلار, اعا-ىنىلەر مەن اپكە-سىڭلىلەر, اتا-اجەلەر جانە نەمەرەلەر, سونىمەن بىرگە اسىراپ الۋشىلار مەن اسىراندى بالالار ەنگىزىلگەن.
ەكىباستۇزدا كارتونعا ماركەرمەن مەملەكەتتىك ءنومىر جازىپ العان جۇرگىزۋشى ۇستالدى
سونىمەن قاتار ىشكى ىستەر مينيسترلىگى سۇرانىسقا يە «ادەمى» مەملەكەتتىك نومىرلەر ءتىزىمىن كەڭەيتپەك. ەندى 101, 202, 303, 404, 505, 717, 808, 909 سەكىلدى قايتالاناتىن جانە اينا ءتارىزدى ساندار رەسمي تۇردە ساتىلاتىن بولادى.
مۇنداي نومىرلەردى بىردەي ارىپتەرمەن بىرگە دە تاپسىرىس بەرۋگە مۇمكىندىك جاسالادى. الايدا ازىرگە تولىقتاي اينا ءتارىزدى ارىپتىك كومبيناتسيالار ساتىلىمعا شىعارىلمايدى.
ادەمى نومىرگە اۋەستىك: جۇرگىزۋشىلەر ءبىر ايدا 6 ملرد تەڭگەگە جۋىق قاراجات جۇمسادى
جاڭا «ادەمى» نومىرلەر ءۇشىن مەملەكەتتىك باج كولەمى 15 اەك بولادى. بۇل 2026 جىلى شامامەن 64,9 مىڭ تەڭگەنى قۇرايدى. ال ەگەر ءنومىر بىردەي ارىپتەرمەن تولىقتىرىلسا, قۇنى 72 اەك-كە دەيىن ءوسىپ, شامامەن 311,4 مىڭ تەڭگە بولادى.
ايتا كەتەيىك, بۇل تاريفتەر بۇعان دەيىن سالىق كودەكسىندە كورسەتىلگەنىمەن, ەندى عانا تىركەۋ ەرەجەلەرىنە رەسمي تۇردە ەنگىزىلىپ وتىر.
بۇعان دەيىن ەلىمىزدە جالعان مەملەكەتتتىك ءنومىر پايدالاعاندار قىلمىستىق جاۋاپكەرشىلىككە تارتىلۋى مۇمكىن ەكەنىن جازعان ەدىك.
