دەپۋتاتتار الەۋمەتتىك-مادەني دامۋ ماسەلەلەرى جونىندەگى تۇراقتى كوميسسيا وتىرىسى الدىندا نىسانعا بارىپ, ستاديوننىڭ دايىندىق دەڭگەيىمەن تانىستى. سونداي-اق ولار مۇمكىندىگى شەكتەۋلى ازاماتتار ءۇشىن جاسالعان جاعدايلاردى تەكسەردى.
كوشپەلى جيىن بارىسىندا ستاديوندى جاڭعىرتۋ جۇمىستارىنىڭ ساپاسى مەن بيۋدجەت قاراجاتىنىڭ ءتيىمدى جۇمسالۋىنا ەرەكشە نازار اۋدارىلدى.
ايتا كەتەيىك, قاجىمۇقان مۇڭايتپاسوۆ اتىنداعى ورتالىق ستاديون قۇرىلىسىنىڭ اياقتالۋ مەرزىمى بىرنەشە رەت كەيىنگە شەگەرىلگەن. 2025 جىلدىڭ ماۋسىمىندا نىساندى 2026 جىلدىڭ ەكىنشى توقسانىندا پايدالانۋعا بەرۋ جوسپارلانعانى حابارلانعان ەدى. بۇعان دەيىن قۇرىلىس ءبىرىنشى توقساندا اياقتالادى دەپ كۇتىلگەن بولاتىن.
ستاديون اشىلعاننان كەيىن مۇندا 8 بەن 18 جاس ارالىعىنداعى 750 بالاعا ارنالعان وليمپيادالىق رەزەرۆتىڭ مامانداندىرىلعان بالالار-جاسوسپىرىمدەر سپورت مەكتەبى جۇمىس ىستەيدى. وقۋشىلار ءۇشىن جاساندى جابىنى بار فۋتبول الاڭى, كيىم اۋىستىراتىن بولمەلەر, جاتتىقتىرۋشىلار كابينەتى, مەديتسينالىق كابينەت جانە تريبۋنالار قاراستىرىلعان.
«قايرات» كلۋبى «اقتوبەمەن» وينايدى: ستاديون ماڭىندا قاۋىپسىزدىك كۇشەيتىلەدى
جاڭا سپورت نىسانى مەملەكەتكە قايتارىلعان اكتيۆتەر ەسەبىنەن سالىنىپ جاتىر. قۇرىلىسقا ارنايى مەملەكەتتىك قوردان 17 ملرد تەڭگە بولىنگەن. ستاديوننىڭ جالپى اۋماعى 15 مىڭ شارشى مەتردەن اسادى, ال كورەرمەن سىيىمدىلىعى 3600 ورىنعا ەسەپتەلگەن.
