فوتو: Kapital.kz
بۇل تۋرالى باس پروكۋراتۋرا حابارلادى. ۆەدومستۆو مالىمەتىنشە, كۇدىكتى تۋريستىك فيرما اشىپ, ونى «Travel the world» دەپ اتاعان. ول الەۋمەتتىك جەلىلەردە بىرىككەن اراب امىرلىكتەرى, ەگيپەت جانە تۇركياعا ارزان باعامەن دەمالىس تۋرلارىن ۇسىنعان جارناما جاريالاپ وتىرعان.
ناتيجەسىندە 13 جابىرلەنۋشى جالپى سوماسى 20 ملن تەڭگەدەن استام قارجىسىنان ايىرىلعان.
سوت ونى اسا ءىرى كولەمدەگى الاياقتىق جاساعانى ءۇشىن كىنالى دەپ تانىپ, باستاپقىدا 5 جىل باس بوستاندىعىنان ايىرۋ جازاسىن تاعايىنداعان.
الايدا اپەللياتسيالىق سوت «راقىمشىلىق تۋرالى» زاڭدى قولدانىپ, جازانى 4 جىلعا دەيىن قىسقارتقان. كەيىن پروكۋراتۋرا تەكسەرۋى بارىسىندا راقىمشىلىق نورماسى دۇرىس قولدانىلماعانى انىقتالعان. كاسساتسيالىق نارازىلىقتان كەيىن سوت شەشىمى قايتا قارالىپ, جازا قايتادان 5 جىلعا دەيىن ۇزارتىلدى.
بانك باسشىسىنىڭ بەينەسىن قولدانعان: جەلىدە الاياقتىقتىڭ جاڭا ءتۇرى پايدا بولدى
قۇقىق قورعاۋ ورگاندارى ازاماتتاردى الەۋمەتتىك جەلىلەر ارقىلى تۋريستىك قىزمەت ساتىپ الۋدا اسا ساق بولۋعا شاقىرادى.
بۇعان دەيىن ورال قالاسىندا دا ءوزىن تۋراگەنت رەتىندە تانىستىرىپ, 15-تەن استام ادامدى الداپ, 25 ملن تەڭگەدەن استام شىعىن كەلتىرگەن الاياق انىقتالعان بولاتىن.
