فوتو: gov.kz
مارات سۇلتانعازيەۆ جاعاجايداعى قاۋىپسىزدىك پەن ءتارتىپ, دەمالىس ورىندارىنىڭ تالاپتارعا ساي بولۋى باستى نازاردا بولۋى ءتيىس ەكەنىن ايتتى.
«ادام شىعىنىنىڭ بولماۋىن قاتاڭ باقىلاۋدا ۇستاۋ كەرەك. كوبىنە ادام ءولىمى رۇقسات ەتىلمەگەن ايماقتاردا بولادى. سوندىقتان مۇنداي ورىنداردى قاداعالاپ, جەر يەلەرىمەن دە جۇيەلى جۇمىس جۇرگىزۋ قاجەت. شومىلۋعا رۇقسات ەتىلگەن ايماقتار تەكسەرىلىپ, قاۋىپسىزدىك بەلگىلەرى مەن ەسكەرتۋ تاقتايشالارى ورناتىلۋى ءتيىس», دەدى مارات سۇلتانعازيەۆ.
قازاقستان تجم شومىلۋ ماۋسىمىندا سۋداعى قاۋىپسىزدىكتى كۇشەيتۋدە
الماتى وبلىستىق توتەنشە جاعدايلار دەپارتامەنتىنىڭ مالىمدەۋىنشە, شومىلۋ ماۋسىمىنا وراي سۋ ءتۇبىن تازالاۋ, سانيتارلىق جاعدايدى باقىلاۋ جانە ينفراقۇرىلىمدى رەتكە كەلتىرۋ جۇمىستارى كەزەڭ-كەزەڭىمەن جۇرگىزىلىپ جاتىر. تۇرعىنداردىڭ قاۋىپسىزدىگىن قامتاماسىز ەتۋ ماقساتىندا باقىلاۋ كامەرالارى جۇمىس ىستەيدى. قازىرگى تاڭدا دەمالىس ورىندارىنىڭ 80 پايىزى شومىلۋ ماۋسىمىنا دايىن. جەرگىلىكتى اتقارۋشى ورگان, وبلىستىق پروكۋراتۋرا, پوليتسيا دەپارتامەنتىمەن بىرىگىپ كەشەندى تەكسەرۋ جۇمىستارىن جالعاستىرادى.
