فوتو: gov.kz
ىرىكتەلگەن ازاماتتار 2026 جىلدىڭ 6 ءساۋىرى مەن 12 مامىرى ارالىعىندا نەسيەگە ءوتىنىم بەرۋى ءتيىس. ەگەر ءوتىنىم ماقۇلدانسا, قاتىسۋشىلارعا 6 اي ىشىندە تۇرعىن ءۇي تاڭداپ, ساتىپ الۋ مۇمكىندىگى بەرىلەدى.
باعدارلاما «وتباسى بانكتىڭ» رەسمي سايتىندا جاريالانعان قورىتىندىلار نەگىزىندە جۇزەگە اسادى.
«ناۋرىز» باعدارلاماسى نەگىزىنەن جاستارعا ارنالعان باستاما. قاتىسۋشىلاردىڭ ورتاشا جاسى – 32 جاس. ولاردىڭ باسىم بولىگى وتباسىلى, بالالى ازاماتتار: 9 296 قاتىسۋشىنىڭ بالاسى بار, ال 7 569-ى نەكەدە تۇر.
سونىمەن قاتار 8 690 ادام تۇرعىن ءۇي كەزەگىندە تۇر, ونىڭ ىشىندە 2 689 ازامات الەۋمەتتىك وسال توپتارعا جاتادى. بۇل – باسپاناعا مۇقتاج, بىراق ونى ءوز بەتىنشە الۋ مۇمكىندىگى شەكتەۋلى ازاماتتار.
2 ناۋرىزدان باستاپ «وتباسى بانك» ءۇي كەزەگىندەگىلەرگە ارنالعان تالاپتاردى وزگەرتەدى
باعدارلاماعا قاتىسۋشىلاردىڭ نەگىزگى ەرەكشەلىگى – جيناققا دەگەن جۇيەلى كوزقاراس. ورتاشا ەسەپپەن ءار سالىمشىدا كەمىندە 4,3 ملن تەڭگە جيناقتالعان.
ەڭ جوعارى ناتيجە كورسەتكەن قاتىسۋشى – الماتىلىق جانار وماروۆا. ول 1 284,67 بالل جيناپ, باعدارلاماعا وتكەن. ونىڭ ايتۋىنشا, تابىستى بولۋدىڭ كىلتى – قارجىلىق ءتارتىپ پەن تۇراقتىلىق:
«اي سايىن 50 مىڭ تەڭگە تۇراقتى تۇردە دەپوزيتكە اۋدارىپ وتىردىم. ءبىر دە ءبىر رەت توقتاعان ەمەسپىن. ءدال وسى ادەت ماقساتقا جەتكىزدى», دەيدى ول.
باعدارلاماداعى ىرىكتەۋ جيناقتالعان بالل جۇيەسى ارقىلى جۇرگىزىلەدى. نەگىزگى كريتەريلەر:
- دەپوزيت بويىنشا سىياقى – ءار 1 000 تەڭگەگە 1 بال;
- نەكەدە بولۋ – 5 بالل;
- بالانىڭ بولۋى – 10 بالل;
- الەۋمەتتىك وسال توپقا جاتۋ – 10 بالل;
- جاسى 35-كە دەيىن – 5 بالل.
مىسالى, 1 ملن تەڭگە سىياقى – 1 000 بالل. بۇل جۇيە قاتىسۋشىلاردى جيناقتاۋعا ىنتالاندىرادى جانە ءادىل ىرىكتەۋدى قامتاماسىز ەتەدى.
قاتىسۋشىلاردىڭ باللى اۆتوماتتى جۇيە ارقىلى ەسەپتەلەدى, ال ىرىكتەۋ تەك باعدارلاماعا ءوتىنىش بەرگەندەر اراسىندا جۇرگىزىلەدى.
دەپوزيتتى ەرتە باستاپ, ونى ءجيى تولىقتىراتىن سالىمشىلاردىڭ مۇمكىندىگى جوعارى. سەبەبى: سىياقى كولەمى – نەگىزگى بالل كوزى ءارى جيناق مەرزىمى ۇزاق بولعان سايىن ناتيجە جوعارى.
«ناۋرىز» باعدارلاماسى اياسىندا:
- باستاپقى جارنا – 20%-دان باستاپ;
- مولشەرلەمە – 7% جانە 9%;
- نەسيە مەرزىمى – 19 جىلعا دەيىن.
7% مولشەرلەمە – الەۋمەتتىك وسال توپتار مەن كەزەكتە تۇرعاندارعا, ال 9% – باسقا ازاماتتارعا ارنالعان.
باعدارلاما قاتىسۋشىلارى:
- باسپانا ماركەت (otbasybank.kz) ارقىلى ءۇي تاڭداي الادى;
- باستاپقى نارىقتاعى تۇرعىن ءۇيدى (ۇلەستىك قاتىسۋ, كەپىلدىكپەن) ساتىپ الا الادى;
- كەي جاعدايدا ەكىنشى نارىقتاعى تۇرعىن ۇيگە دە مۇمكىندىك بار.
نەسيە كولەمى:
- الماتى مەن استانادا – 36 ملن تەڭگەگە دەيىن;
- وڭىرلەردە – 30 ملن تەڭگەگە دەيىن.
«وتباسى بانك» كەلەسى تاسىلدەردى ۇسىنادى:
- «وتباسىلىق پاكەت» – وتباسىنىڭ بىرنەشە مۇشەسى بىرلەسە جيناقتايدى;
- دەپوزيتتى ءجيى تولىقتىرۋ – تۇراقتى ءارى جۇيەلى سالىم جاساۋ;
- زەينەتاقى قاراجاتىن پايدالانۋ – ارتىق قاراجاتتى دەپوزيتكە اۋدارۋ.
«ناۋرىز» باعدارلاماسى جۇيەلى جيناق پەن قارجىلىق تارتىپكە نەگىزدەلگەن ءتيىمدى مەحانيزم ەكەنىن كورسەتتى. 16 000 ازاماتتىڭ باسپاناعا جاقىنداۋى – مەملەكەتتىك تۇرعىن ءۇي ساياساتىنىڭ ناقتى ناتيجەسى. ەندى ولاردىڭ باستى مىندەتى – نەسيە راسىمدەپ, ءوز ءۇيىن تاڭداۋ.
«وتباسى بانك» گيمناستشىلاردىڭ جاتتىعۋ زالىن تارتىپ الا ما؟ مينيسترلىك تۇسىنىكتەمە بەردى
