فوتو: instagram.com/zhazirabegaly_tv
مارقۇمنىڭ دەنەسى تابىلعانى تۋرالى جۋرناليست جازيرا بەگالى الەۋمەتتىك جەلىدەگى پاراقشاسىندا حابارلادى.
ء«انشى گۇلنار سيقىمباەۆانىڭ ۇلى تابىلدى. ءولىم سەبەبى ازىرگە بەلگىسىز. جاقىندارى ونىڭ 24 ناۋرىزدا ۇيدەن شىعىپ, ءىز-ءتۇسسىز كەتكەنىن ايتقان ەدى. جانى جانناتتا بولسىن», دەپ جازدى ول.
الماتى قالالىق پوليتسيا دەپارتامەنتىنىڭ ءباسپاسوز قىزمەتى اقپاراتتى راستادى. ۆەدومستۆونىڭ مالىمەتىنشە, ەر ادامنىڭ دەنەسى بوستاندىق اۋدانىنان تابىلعان, سىرتقى زورلىق-زومبىلىق بەلگىلەرى انىقتالماعان. وقيعانىڭ ءمان-جايى انىقتالىپ جاتىر.
ەسكە سالايىق, باير سيقىمباەۆتى الماتىدا ءبىر اپتادان استام ۋاقىت بويى ىزدەستىرۋ جۇمىستارى جۇرگىزىلگەن. «Lider.kz» ەرىكتىلەر قوزعالىسىنىڭ مالىمەتىنشە, ول بيىلعى 24 ناۋرىز كۇنى ساعات 13:20 شاماسىندا كوپەرنيك كوشەسى, 114 مەكەنجايىنداعى ۇيىنەن شىعىپ كەتكەن. سودان بەرى بايلانىسقا شىقپاعان.
باير سيقىمباەۆتىڭ بويى شامامەن 180-185 سم, ارىق دەنەلى, قىسقا قارا شاشتى, قوڭىر كوزدى بولعان. جوعالعان كۇنى ۇستىندە قارا ءتۇستى سپورتتىق كيىم بولعانى حابارلانعان.
باير سيقىمباەۆ – 2024 جىلعى 5 قازاندا ومىردەن وتكەن بەلگىلى ءانشى گۇلنار سيقىمباەۆانىڭ جالعىز ۇلى.
