قاراعاندى وبلىسى پوليتسيا دەپارتامەنتىنىڭ باستىعى نەگمەت يسماعۇلوۆ اتاپ وتكەندەي, نەگىزگى مىندەتتەردىڭ قاتارىندا قۇقىق بۇزۋشىلىقتىڭ الدىن الۋ, حالىقپەن ءتۇسىندىرۋ جۇمىستارىن جۇرگىزۋ جانە ازاماتتارعا جەدەل كومەك كورسەتۋ بار.
پوليتسەيلەردىڭ جۇمىسى تەك باقىلاۋمەن شەكتەلمەيدى. ولار قاجەت جاعدايدا العاشقى كومەك كورسەتىپ, ادامداردىڭ ءومىرىن ساقتاپ قالۋعا دا اتسالىسادى.
ماسەلەن, «دك گورنياكوۆ» ايالداماسى ماڭىندا پاترۋل كەزىندە پوليتسيا قىزمەتكەرلەرى ءوزىن جايسىز سەزىنگەن قىزعا جەدەل العاشقى مەديتسينالىق كومەك كورسەتىپ, ونى اۋرۋحاناعا جەتكىزدى. بۇل – قۇقىق قورعاۋ قىزمەتىنىڭ تەك ءتارتىپ ساقتاۋمەن عانا ەمەس, ناقتى كومەك كورسەتۋمەن دە اينالىساتىنىن كورسەتەدى.
كۇندەلىكتى نۇسقامالاردا جول قوزعالىسى قاۋىپسىزدىگىنە ەرەكشە نازار اۋدارىلادى. اتاپ ايتقاندا مىناداي قۇقىق بۇزۋشىلىقتار ەرەكشە باقىلاۋدا تۇر.
- ماس كۇيىندە كولىك جۇرگىزۋ;
- جالعان مەملەكەتتىك ءنومىر قولدانۋ;
- جولداعى قاۋىپتى بۇرىلىستار.
رەيد بارىسىندا بالقاش قالاسىندا جالعان ءنومىر تاعىلعان Nissan كولىگى انىقتالىپ, توقتاتىلدى. كولىكتى باسقارعان 32 جاستاعى ازاماتتان قولدان جاسالعان پىشاق تاركىلەنىپ, قىلمىستىق ءىس قوزعالدى.
سونداي-اق, Volkswagen Passat كولىگىنىڭ 22 جاستاعى جۇرگىزۋشىسى كولىككە زاڭسىز قىزىل جانە كوك جارىق قۇرىلعىلارىن ورناتقانى ءۇشىن جاۋاپكەرشىلىككە تارتىلدى, ال كولىك ارنايى ايىپ تۇراعىنا قويىلدى.
قاراعاندى وبلىسىندا 13 جاستاعى ءجاسوسپىرىم ءىز-ءتۇسسىز جوعالىپ كەتتى
جالپى, وبلىس پوليتسەيلەرى كۇن سايىن شامامەن 2000-عا جۋىق اكىمشىلىك قۇقىق بۇزۋشىلىقتىڭ الدىن الادى. سوڭعى تاۋلىكتە انىقتالعان فاكتىلەر:
- 2 جۇرگىزۋشى ماس كۇيىندە كولىك باسقارعان;
- 5 ادام جۇرگىزۋ قۇقىعىنان ايىرىلعان كۇيدە رولگە وتىرعان;
- 5 جاعدايدا جالعان ءنومىر قولدانىلعان;
- 7 جۇرگىزۋشى قارسى جولاققا شىققان.
بۇل دەرەكتەر قۇقىق بۇزۋشىلىقتاردىڭ دەر كەزىندە انىقتالىپ, ولاردىڭ اۋىر سالدارىنىڭ الدىن الۋعا مۇمكىندىك بەرىپ وتىرعانىن كورسەتەدى.
قاراعاندى وبلىسىنىڭ پوليتسياسى كۇشەيتىلگەن رەجيمدە جۇمىس ىستەپ, ازاماتتاردىڭ قاۋىپسىزدىگىن قامتاماسىز ەتىپ وتىر.
نەگىزگى ماقسات – قۇقىقبۇزۋشىلىقتىڭ الدىن الۋ, ادام ءومىرى مەن دەنساۋلىعىن قورعاۋ جانە كەز كەلگەن جاعدايدا تۇرعىندارعا دەر كەزىندە كومەك كورسەتۋ.
