ونىڭ ايتۋىنشا, جانار-جاعارماي تاپشىلىعىن بولدىرماۋ ءۇشىن بىرقاتار شارا قابىلدانىپ جاتىر. اتىراۋ مۇناي وڭدەۋ زاۋىتىنىڭ جوندەۋ جۇمىستارى وسى جىلدىڭ سوڭىنا اۋىستىرىلعان.
«ەسكە سالساق, بۇعان دەيىن اتىراۋ مۇناي وڭدەۋ زاۋىتىنىڭ كۇردەلى جوندەۋ جۇمىستارى 15 قىركۇيەكتەن باستالۋعا ءتيىس بولاتىن. ەندى كەيىنگە قالدىرىپ وتىرمىز», دەدى م.مىرزاعاليەۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
كومپانيا باسشىسى شىمكەنت مۇناي وڭدەۋ زاۋىتىنىڭ جوسپارلى جوندەۋى 2022 جىلدان 2023 جىلعا شەگەرىلگەنىن اتاپ ءوتتى. سونداي-اق قازاقستان مۇناي وڭدەۋ زاۋىتتارىنىڭ وندىرىستىك قۋاتى جىلىنا 14,2 ملن توننادان 17,2 ملن تونناعا دەيىن ۇلعايتىلدى.
