«102 پۋلتىنە اۋەزوۆ كوشەسىندەگى ءۇيدىڭ تۇرعىنىنان باسپالداق الاڭىندا قانتالاعان ايەلدىڭ جاتقانى تۋرالى حابارلاما كەلىپ ءتۇستى. وقيعا ورنىنا كەلگەن پوليتسەيلەر دەنە جاراقاتتارى بار 34 جاستاعى ايەلدىڭ ءمايىتىن تاپتى. ەلوردالىق جەدەل ۋاكىلدەر جەدەل ءىس-شارالار جۇرگىزۋ بارىسىندا ءبىر تاۋلىكتىڭ ىشىندە اقمولا وبلىسىنىڭ اۋماعىندا 37 جاستاعى كۇدىكتىنى ۇستادى», دەلىنگەن حابارلامادا.
انىقتالعانداي, ەر ادام ءبىر كۇن بۇرىن اۋلادا جاس ايەلمەن تانىسىپ, بوس ۋاقىتىن وتكىزۋ ءۇشىن ونى پاتەرىنە شاقىرعان. وتىرىس بارىسىندا كۇدىكتى مەن قوناقتىڭ اراسىندا جانجال تۋىنداپ, ەر ادام سپورتتىق زىلتەمىردەن مەتالل بەلتەمىردى الىپ, جابىرلەنۋشىنىڭ دەنەسىنە بىرنەشە رەت سوققى جاساعان. ايەلدىڭ ەسىنەن تانىپ بارا جاتقانىن كورگەن ول ونى پاتەردەن الىپ شىعىپ, باسپالداق الاڭىندا قالدىرعان.
اتالعان فاكتى بويىنشا قىلمىستىق ءىس قوزعالدى, كۇدىكتى پد ۋاقىتشا ۇستاۋ يزولياتورىنا قامالدى, تەرگەۋ امالدارى جۇرگىزىلۋدە.
