الماتىدان كەلگەن ەرىكتى جاندوس ءتالىپوۆتىڭ ايتۋىنشا, مۇنداي جاعدايدا شەتتە قالۋعا بولمايدى. «زارداپ شەككەندەرگە جاي سوزبەن عانا ەمەس, ىسپەن دە كومەكتەسكىم كەلەدى. مەن بارشا قازاقستاندىقتاردى زارداپ شەككەندەرگە كومەك كورسەتۋگە شاقىرامىن, قوستاناي, ءبىز بىرگەمىز!», دەدى ول.
ء«دال وسىنداي ۋاقىتتا ءبىز ەلدىگىمىزدى, اۋىزبىرشىلىگىمىزدى كورسەتۋىمىز كەرەك. سەبەبى وزگەنىڭ باسىنا تۇسكەن قيىندىققا بەيجاي قاراپ, قول قۋسىرىپ وتىرۋعا بولمايدى. ءبىز زارداپ شەككەندەرگە مۇمكىندىگىنشە تەزىرەك قالىپتى ومىرگە ورالۋعا جاعداي جاساپ, كومەكتەسۋىمىز كەرەك», دەدى وسكەمەندىك ەرىكتى مارلەن ابۋباكىر.
ايتا كەتەيىك, قازىردىڭ وزىندە قازاقستاندىقتار جولداعان العاشقى كومەك جيىن پۋنكتەرىنە كەلىپ تۇسۋدە.
ال پارتيانىڭ «جاستار رۋحى» جاستار قاناتى قوستاناي وبلىسىندا ورتتەن زارداپ شەككەندەرگە كومەك كورسەتۋ ءۇشىن ۆولونتەرلەر توپتارىن جاساقتادى. تۇركىستان وبلىسىنان كەلگەن ۆولونتەرلەر العاشقىلاردىڭ ءبىرى بولىپ قالپىنا كەلتىرۋ جۇمىستارىنا قاتىسۋعا دايىن ەكەندەرىن ءبىلدىردى.
بەلسەندى ولجاس مامىردىڭ ايتۋىنشا, تۇركىستان وبلىسىنىڭ جاستارى مۇنداي قيىن جاعدايدىڭ حالىققا قانشالىقتى اۋىر ەكەنىن جاقسى بىلەدى.
ء«بىز ارىس پەن ماقتاارالداعى وقيعالاردان كەيىن تۇرعىندارعا كومەكتەستىك. ول كەزدە ەلىمىزدىڭ تۇكپىر-تۇكپىرىنەن ەرىكتىلەر وبلىسىمىزعا كەلىپ, قالپىنا كەلتىرۋ جۇمىستارىنا تىكەلەي قاتىستى, قاجەتتى ونىمدەردى جىبەردى. تۇندە «جاستار رۋحىمەن» حابارلاسىپ, بىرگە ەكەنىمدى جەتكىزدىم جانە مەنى ەرىكتىلەر قاتارىنا قوسۋدى سۇرادىم. مىنە, تاڭ اتا سالىسىمەن ەرىكتىلەرمەن العاشقى گۋمانيتارلىق كومەكتى جيناۋعا كىرىستىك. الداعى ۋاقىتتا قوستاناي وبلىسىنداعى ءورت شالعان ورىنعا وڭتۇستىكتىڭ اماناتىن جەتكىزەمىز. ءبىز ەل ازاماتتارىمەن بىرگەمىز جانە ويلانباستان قوستاناي وبلىسىنا جول تارتامىز», دەپ اتاپ ءوتتى ولجاس مامىر.
قازىرگى ۋاقىتتا ۆولونتەرلەر پارتيا فيليالدارى جانىنان اشىلعان گۋمانيتارلىق كومەك جيناۋ پۋنكتەرىندە جۇمىسىن جالعاستىرۋدا.
