قوستاناي وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى وڭىرگە ەسىرتكى جەتكىزۋ ارناسىنىڭ جولىن كەستى.
«قاراسورا 2022» جەدەل الدىن الۋ شاراسى اياسىندا كۇدىكتىلەردى ۇستاۋ وپەراتسياسى تۋرالى تولىعىراق بولىمشە باستىعى اسىلبەك الماعامبەتوۆ حابارلادى.
پوليتسيا قىزمەتكەرى 31 تامىزدا جەدەل ءىس-شارالار وتكىزۋ كەزىندە قوستاناي-اۋليەكول-سۇرعان تاس جولىنىڭ 107 شاقىرىمىندا Lada Largus اۆتوكولىگىن باسقارعان قارابالىق اۋدانىنىڭ 46 جاستاعى تۇرعىن توقتاتقاندارىن ايتتى. ءتىنتۋ بارىسىندا كولىكتىڭ سالونىنان وسىمدىك تەكتەس زات سالىنعان ءۇش قاپ تابىلعان. ساراپتاما بۇل زاتتىڭ سالماعى 100 كەلىدەن اساتىن كەپتىرىلگەن ماريحۋانا ەكەنىن كورسەتتى.
«العاشقى تەرگەۋ ارەكەتتەرىن جۇرگىزۋ كەزىندە اتالعان ەسىرتكىنىڭ ءىرى پارتياسى وبلىسقا ەلىمىزدىڭ وڭتۇستىك وڭىرلەرىنەن جەتكىزىلگەنى انىقتالدى», دەدى اسىلبەك الماعامبەتوۆ.
