«مەملەكەت ەڭ تومەنگى جالاقىنى انىقتاۋدىڭ جاڭا ادىستەمەسىن ەنگىزەدى, بۇل ونىڭ مولشەرىن كەزەڭ-كەزەڭىمەن ارتتىرۋعا مۇمكىندىك بەرەدى.
الدا زەينەتاقى جۇيەسىن ايتارلىقتاي قايتا جۇكتەۋ كەرەك. زەينەتاقىنىڭ ەڭ تومەنگى بازالىق مولشەرلەمەسىن ەڭ تومەنگى كۇنكورىس دەڭگەيىنىڭ 70 پايىزىنا دەيىن, ال ەڭ جوعارى مولشەرلەمەسىن 120 پايىزعا دەيىن دايەكتى تۇردە جەتكىزۋ كەرەك. بۇعان دەيىن قابىلدانعان شەشىمدەرمەن بىرگە بۇل 2025 جىلعا قاراي جيىنتىق زەينەتاقىنى ورتا ەسەپپەن 27 پايىزعا ۇلعايتۋعا مۇمكىندىك بەرەدى», دەدى پرەزيدەنت.
سونىمەن قاتار, الەۋمەتتىك سۇرانىستى ەسكەرە وتىرىپ, ايەلدەر ءۇشىن زەينەتكەرلىك جاس دەڭگەيى 2028 جىلعا دەيىن 61 جاس دەڭگەيىندە بەلگىلەنەدى.
«بىرىڭعاي جيناقتاۋشى زەينەتاقى قورىنىڭ ءتيىمدى ينۆەستيتسيالىق ستراتەگياسىن ازىرلەۋ قاجەت», دەدى ق.توقاەۆ.
