فورۋم «قازان – يىۇ جاستار استاناسى» حالىقارالىق باعدارلاماسى اياسىندا ءوتىپ جاتىر.
ونىڭ قاتىسۋشىلارى اراسىندا يسلام ىنتىماقتاستىعى ۇيىمىنا (يىۇ) مۇشە 20-دان استام ەلدىڭ جاستار جانە سپورت مينيسترلەرى بار.
فورۋمدى تاتارستاننىڭ جاستار ىستەرى مينيسترلىگى, جاستار ديپلوماتياسى اكادەمياسى جانە تاتارستان رەسپۋبليكاسىنىڭ «سەلەت» رەسپۋبليكالىق جاستار قوعامدىق قورى بىرلەسىپ ۇيىمداستىرعان.
فورۋم اياسىندا جاستار كوشى-قونى, مادەنيەتارالىق ديالوگ, الەۋمەتتىك ليفتتەر, جاستار كاسىپكەرلىگى جانە باسقا دا وزەكتى تاقىرىپتاردى تالقىلاۋ جوسپارلانۋدا.
ءسامميتتىڭ اشىلۋىندا تاتارستان پرەمەر-ءمينيسترىنىڭ ورىنباسارى لەيلا فازلەەۆا ءسوز سويلەدى.
سامميتكە يراك, رەسەي, پالەستينا, نيگەر, پاكىستان, كامەرۋن, ليۆيا, يندونەزيا, ۋگاندا ەلدەرىنىڭ وكىلدەرى, سونداي-اق ازەربايجان, يران, ماداگاسكار, قازاقستان جانە سەررا-لەونە مينيسترلەرىنىڭ ورىنباسارلارى بار بارلىعى 300-گە جۋىق ادام قاتىسۋدا.
ايتا كەتەيىك, قازانداعى جاھاندىق جاستار ءسامميتى 30 تامىزعا دەيىن جالعاسادى.
